შეგხსენებთ, რომ ჩემპიონთა ლიგის 1/8-ფინალის პირველ შეხვედრაში პსჟ-მ "ბარსელონა" საკუთარ მოედანზე 4:0 დაამარცხა, თუმცა ესპანეთში 1:6 დამარცხდა და ტურნირს გამოეთიშა.
- ჩემპიონთა ლიგა. ბარსელონა-პსჟ. გამოხმაურება: საშინელებათა ფილმი "ჰეფი ენდით"
კლუბის დირექტორმა ნასერ ალ-ხელაფიმ მსაჯებთან კონსულტაცია გაიარა, რის შემდეგაც ფრანგებმა უეფაში დენის აიტეკინის მსაჯობა გააპროტესტეს, რომელიც იმ შეხვედრას სჯიდა.
დოკუმენტში ის მომენტებია ნახსენები, რომლებაც, პარიზელთა აზრით, დიდი გავლენა მოახდინა მატჩის საბოლოო ანგარიშზე. ესპანური "მარკას" ინფორმაციით, უეფაში პარიზელთა დოკუმენტი უკვე მიიღეს.
პარიზელები შემდეგი მომენტებით არიან უკმაყოფილონი:
1. პირველ ტაიმში, როცა დრაქსლერი ურტყამდა კარისკენ, ხავიერ მასკერანოს ბურთი ხელზე მოხვდა;
2. მატჩის 41-ე წუთზე კავანისთან შეტაკების გამო ჟერარდ პიკე მეორე ყვითელ ბარათს იმსახურებდა;
3. პენალტი ნეიმარზე არ ყოფილა;
4. როცა ანგარიში 3:1 იყო, ნეიმარმა მარკინიოსს ფეხებში ჩაარტყა, რის გამოც წითელ ბარათს იმსახურებდა;
5. 78-ე წუთზე, როცა ანგარიში 3:1 იყო, ჟერარდ პიკემ საჯარიმოში ხელით ითამაშა და პენალტი უნდა დანიშნულიყო, მაგრამ მსაჯმა ეს მომენტი გაატარა;
![Sportall.Ge](/pictures/artimages/image18/ee275a1d96063442bb5e65ec8e516769.jpg ""ბარსელონასთან" მატჩის 7 მომენტი, რომლის გამოც პსჟ უეფაში ჩივის [VIDEO]")
6. პენალტი უნდა დანიშნულიყო მატჩის ბოლოსკენაც, ხავიერ მასკერანო კი, რომელმაც საჯარიმოში ანხელ დი მარიას წინააღმდეგ დაარღვია წესები, გასაგდები იყო. მსაჯმა არც ამ მომენტს მიაქცია ყურადღება მიუხედავად იმისა, რომ მატჩის შემდეგ წესების დარღვევა თავად მასკერანომ აღიარა;
7. პენალტი სუარესზე, როცა 4:1 იყო - კიდევ ერთი სიმულაცია. მანამდე ურუგვაელმა სიმულაციისთვის ყვითელი ბარათი მიიღო. ამ მომენტში ის მეორე ყვითელს იმსახურებდა და მოედნიდან გასაგდები იყო.
