"ინტერის" მთავარმა მწვრთნელმა ლეონარდომ "ბაიერნთან" (3:2, პირველი მატჩი- 0:1) ჩემპიონთა ლიგის საპასუხო 1/8 ფინალური მატჩის შესახებ ისაუბრა."რთულია ეს თამაში განიხილო. ჩვენ გავიმარჯვეთ. აი, ესაა ყველაფერი, რასაც მნიშვნელობა აქვს. ახლა ტექნიკური ნიუანსების განხილვა არ მსურს. მირჩევნია ყურადღება ჩემი ფეხბურთელების ვაჟკაცობას მივაქციო. თამაში ძალიან კარგად დავგეგმეთ. სწრაფი გოლის გატანა მოვახერხეთ, რის შემდეგაც იქამდე კარგად ვთამაშობდით, სანამ მატჩის მიმდინარეობა "ბაიერნის" სასარგებლოდ არ შეიცვალა. მასპინძლებმა მეორე გოლი გაგვიტანეს და კიდევ შეეძლოთ ჩვენი კარის აღება, მაგრამ ჩვენ თამაშის გადაწყობა შევძელით და ბრწყინვალე მეორე ტაიმი
ძალიან მოხარული ვარ პანდევის გამო, რომელსაც რთული პერიოდი ჰქონდა. ის კრიტიკის ქვეშ მოექცა იმის გამო, რომ რამდენიმე მომენტი ხელიდან გაუშვა, მაგრამ შეუპოვრად მუშაობას აგრძელებდა და დღეს გორანი შეუდარებელი იყო. ეს შესანიშნავი მომენტია, წარმოუდგენელი სიხარულია. შემიძლია მხოლოდ ღმერთს მადლობა ვუთხრა, რომ მან დღეს ამ გრძნობის განცდის უფლება მომცა.
ეს ისტორიული შედეგია, იმის გათვალისწინებით, თუ რა რთულად მიმდინარეობდა მატჩი და რამდენად ძლიერი იყო მეტოქე. სერია А-ში რაღაც მსგავსი უკვე გვქონდა, როდესაც გოლებს ბოლო წუთებზე ვიტანდით. ეს ნიშნავს, რომ მოთამაშეებს გუნდის უდიდესი რწმენა აქვთ. ჩვენ არასდროს დავნებდებით", - განაცხადა "ინტერის" თავკაცმა.
მომზადებულია uefa.com-ის მიხედვით
.
