ბარსა? არა სპარტაკი! სპარტაკი?

ჩემპიონთა ლიგის სეზონის საკვალიფიკაციო, ჯგუფური და მერვედფინალური ეტაპები მოვიტოვეთ, დროა, ისევ მივუბრუნდეთ სტატისტიკას, რომელიც ძალიან ბევრ რამეზე მეტყველებს. მაშ ასე, თქვენს წინაშეა ჩემპიონთა ლიგის სეზონის დეტალური სტატისტიკური მონაცემები, როგორც ინდივიდუალური, ასევე - გუნდური.

ლიგას, ჯერჯერობით სამი ბომბარდირი ჰყავს 8-8 გოლით, თუმცა, თუკი მარიო გომესი ტურნირს უკვე დაემშვიდობა, ლეო მესის და სამუელ ეტო'ოს წინ, სულ მცირე, ორ-ორი მატჩი აქვთ. მათ კვალში უდგას "ჩელსის" ფრანგი ფორვარდი ნიკოლა ანელკა. ნურც ქარიმ ბენზემას ჩამოვწერთ, რომელსაც ორით ნაკლები გოლი აქვს გატანილი ლიდერებზე. უფრო ზუსტად, რომ ვთქვათ, ქარიმ ბენზემას ამიერიდან ნუღარ ჩამოვწერთ - ისე ბრწყინვალედ ათამაშდა ეს ფორვარდი ბოლო ხანს.

ჩამონათვალში წინ მესია, რატომ? იმიტომ, რომ მან სამეულში ყველაზე ცოტა დრო დაჰყო მოედანზე - 597 წუთი (გომესი - 607, ეტო'ო - 720). ამ მხრივაც მაგარი მაჩვენებელი აქვს ბენზემას - 6 გოლი მან 357 წუთში გაიტანა. ეს კი მესის მაჩვენებელსაც ბევრად სჯობს - ბენზემას ყოველ 59 წუთში ერთხელ გააქვს ჩემპიონთა ლიგაზე, მესის კი - 74 წუთში ერთხელ.

ამავე პრინციპით კარლუშ მარტინში უკეთესი მეპასეა ლიგაში, ვიდრე არონ ლენონი (5-5 პასი), რადგან პორტუგალიელს ინგლისელზე 50 წუთით ნაკლები აქვს ნათამაშები. დანარჩენებს კი ცხრილებიდანაც თავად შეიტყობთ - ყველაზე მეტად რამაც გაგვაოცა, ბურთის ფლობის პროცენტია - გაგიკვირდებათ, პირველ ადგილზე მოსკოვის "სპარტაკია" და არა "ბარსელონა". რუსებმა 7 თამაშში ბურთის ფლობის 63% აჩვენეს, ხოლო კატალონიელებმა - 18 მატჩში - 61%. სიმართლე გითხრათ, ახლაც გვგონია, რომ უეფას ოფიციალურ საიტს რაღაც ეშლება.


გოლები
8 ლიონელ მესი ბარსელონა
8 მარიო გომესი ბაიერნი
8 სამუელ ეტო'ო ინტერი
7 ნიკოლა ანელკა ჩელსი
6 ქარიმ ბენზემა რეალი
6 რობერტო სოლდადო ვალენსია


საგოლე პასები
5 კარლუშ მარტინში ბენფიკა
5 არონ ლენონი ტოტენჰემი
4 ხუან კულიო კლუჟი
4 მესუთ იოზილი რეალი
4 სამუელ ეტო'ო ინტერი
4 დარიო სრნა შახტარი


კარში დარტყმა (ზუსტი)
19 ლიონელ მესი ბარსელონა
18 კრიშტიანო რონალდო რეალი
15 სამუელ ეტო'ო ინტერი
13 არიც ადურისი ვალენსია
13 მარიო გომესი ბაიერნი


კარში დარტყმა (არაზუსტი)
19 კრიშტიანო რონალდო რეალი
15 ვესლი სნეიდერი ინტერი
12 ლიონელ მესი ბარსელონა
12 დამე ნ'დოიე კოპენჰაგენი
11 კარლუშ მარტინში ბენფიკა


თამაშგარე
17 ზლატან იბრაჰიმოვიჩი მილანი
13 ლასინა ტრაორე კლუჟი
13 კენი მილერი რეინჯერსი
13 ნიკოლა ანელკა ჩელსი
12 ალექსანდერ ფრაი ბაზელი


დაჯარიმდნენ
27 დამე ნ'დოიე კოპენჰაგენი
24 პიტერ კრაუჩი ტოტენჰემი
23 მარკ იანკო ტვენტე
22 ლუიზ ადრიანო შახტარი
22 იესპერ გრონკიაერი კოპენჰაგენი


მასზე დაჯარიმდნენ
24 სტივენ ნეისმითი რეინჯერსი
22 ლუის სუარესი აიაქსი
21 დამე ნ'დოიე კოპენჰაგენი
20 მატიო ვალბუენა მარსელი
20 დარიო სრნა შახტარი


გაფრთხილება
4 სერხიო რამოსი რეალი
4 ჯეფერსონ ფარფანი შალკე


გაძევება
1 20 ფეხბურთელი


საკლუბო სტატისტიკა
გოლები
21 არსენალი
19 ბაიერნი
19 რეალი
19 ტოტენჰემი


გაშვებული
19 ჟილინა
17 რომა
16 ბურსა


გაფრთხილება
23 მილანი
20 რეალი
19 შალკე


6 გუნდი 2-2 გაძევებით


კარში დარტყმა (ზუსტი)
67 რეალი
59 ბარსელონა
59 ბაიერნი


კარში დარტყმა (არაზუსტი)
81 ჩელსი
64 რეალი
61 მარსელი


თამაშგარე
39 ჩელსი
39 მილანი
37 ლიონი


კუთხური
59 ბენფიკა
57 ლიონი
56 ბაიერნი


დაჯარიმდნენ
140 შახტარი
132 არსენალი
126 შალკე


ბურთის ფლობა (წუთ.)
327 ბარსელონა
319 ბაიერნი
282 მანჩესტერი
282 რეალი


ბურთის ფლობა (%)
63 სპარტაკი
61 ბარსელონა
59 ბაიერნი


ყველაზე, ყველაზე სუსტები
2-2 გოლი გაიტანეს "ბურსამ", "პანათინაიკოსმა", "პარტიზანმა" და "რუბინმა".
19 გოლი გაუშვა "ჟილინამ".
16-ჯერ დაარტყა კარში ზუსტად "პანათინაიკოსმა".
14-ჯერ მოაწოდა კუთხური "რეინჯერსმა".
126 წუთის განმავლობაში ფლობდა ბურთს "რეინჯერსი".
34 % ბურთის ფლობისა, ისევ "რეინჯერსის" "მონაგარია".


საუკეთესო ფეხბურთელი უეფას ექსპერტთა შეფასებით: მესი 9.0 ბალი
საუკეთესო ფეხბურთელი გულშემატკივართა შეფასებით: მესი 8.5 ბალი




.