"ბარსელონას" ნახევარმცველმა იბრაჰიმ აფელაიმ "რეალთან" ჩემპიონთა ლიგის პირველი ნახევარფინალური მატჩის შემდეგ აღნიშნა, რომ შეცვლაზე გამოსვლის შემდეგ საკუთარი თამაშით კმაყოფილია."საოცარ გრძნობას განვიცდი. ასეთ ეპიზოდებს ბავშვები სიზმრად ხედავენ. ორ უბოროტეს მტერს შორის ასეთი მნიშვნელოვანი მატჩის შედეგზე გავლენის მოხდენა უბრალოდ ფანტასტიკაა. ჩემთვის ეს მშვენიერი თავგადასავალი იყო.
კარგი თამაში ვაჩვენეთ. პეპეს გაძევებამდეც უკეთ ვთამაშობდით, ბურთს ვაკონტროლებდით. მოწინააღმდეგის პროვოკაციაზე არ წამოვეგეთ და საუცხოო შედეგს მივაღწიეთ", - თქვა ჰოლანდიელმა.
მომზადებულია NOS-ის მიხედვით
