კატალონიის "ბარსელონას" ნახევარმცველმა ანდრეს ინიესტამ აღნიშნა, რომ ჩემპიონთა ლიგის ჯგუფური ეტაპის პირველი შეხვედრა "მილანის" წინააღმდეგ საკმაოდ რთული იქნება.ასევე ესპანელმა ფეხბურთელმა განაცხადა, რომ ჯგუფური ეტაპის პირველი მატჩის მოგება ძალიან მნიშვნელოვანია.
"ჩვენი გუნდი კარგ ფორმაში იმყოფება. ტურნირს ძლიერ გუნდთან თამაშით ვიწყებთ. შეხვედრა "მილანის" წინააღმდეგ განსაკუთრებული და კარგი სანახავი იქნება, შევეცდებით სტარტი მაჟორულ ნოტაზე ავიღოთ. ჩვენი გუნდის ფეხბურთელებს დიდი მოტივაცია აქვთ, ამიტომ იმედი მაქვს, რომ ყველაფერი გამოგვივა", - განაცხადა ინიესტამ.
მომზადებულია Marca-ს მიხედვით
