"მანჩესტერ სიტის" მცველმა გაელ კლიშიმ "ნაპოლისთან" ჩემპიონთა ლიგის პირველი ჯგუფური ეტაპის მატჩის წინ განაცხადა, რომ იტალიელები А ჯგუფის აუტსაიდერები არ არიან.ფრანგის აზრით, ნეაპოლელებს ნებისმიერი კლუბისთვის ღირსეული წინააღმდეგობის გაწევა შეუძლიათ. მიუხედავად ამისა, კლიში დარწმუნებულია, რომ თუ "ქალაქელები" თავიანთ საუკეთესო ფეხბურთს აჩვენებენ, მოგება განაღდებული ექნებათ.
"ნაპოლისთან" თამაში უბრალო არ იქნება. ეს ძალიან კერკეტი გუნდია. ვინც ამბობს, რომ ნეაპოლელები ჩვენი ჯგუფის აუტსაიდერები არიან, ფეხბურთში არაფერი ესმის. ჩემპიონთა ლიგა ეს ჩვენი გუნდისთვის ახალი გამოცდილებაა. ეს ტურნირი ინგლისის ჩემპიონატისგან პრინციპულად განსხვავდება. იქ "არსენალის" შემადგენლობაში
აღსანიშნავია, ისიც, რომ "ნაპოლი" ხანდახან 3-5-2 სქემით თამაშობს, რაც "ნისლიანი ალბიონისთვის" უცხოა. მაგრამ ნებისმიერ შემთხვევაში, თუ ჩვენს საუკეთესო ფეხბურთს ვაჩვენებთ, ყველაფერი კარგად იქნება", - განაცხადა კლიშიმ.
მომზადებულია manutd.com-ის მიხედვით
