ლონდონის "არსენალის" მთავარმა მწვრთნელმა არსენ ვენგერმა "მარსელთან" ჩემპიონთა ლიგის ჯგუფური ეტაპის მესამე ტურის მატჩის წინ განაცხადა, რომ მისი გუნდი ტურნირის ამ სტადიას წარმატებით დაძლევს, თუკი ფრანგებთან მომავალ ორ შეხვედრაში, სულ ცოტა, ოთხ ქულას მოუყრის თავს. სპეციალისტის თქმით, დიდიე დეშამის შეგირდების მთავარი იარაღი კონტრშეტევაა.
"მარსელი" ძალიან ძლიერი გუნდია, განსაკუთრებით სახიფათო კი მისი კონტრშეტევებია. ვფიქრობ, დიდიე დეშამი ყურადღებას სწორედ ამაზე გაამახვილებს.
მომავალი ორი მატჩი ჩვენთვის გადამწყვეტი იქნება. თუკი ოთხ ქულას ავიღებთ - პლეი ოფშიც გავალთ", - განაცხადა ვენგერმა.
მომზადებულია AP-ის მიხედვით
