ლიგა შეივსო, დღეს კენჭისყრაა
ჩემპიონთა ლიგის 2010/11 წლების სეზონის ჯგუფური ეტაპის კენჭისყრა დღეს გაიმართება, წუხელ კი ყველა მონაწილე გუნდი გაირკვა, გუნდებმა დარჩენილი 5 საგზურიც გაითამაშეს. რუსული და უკრაინული გრანდები მილიონებს ხარჯავენ, თუმცა ცნობილი გამოთქმის არ იყოს, ყველაფერს ფულით ვერ იყიდი - სანკტ პეტერბურგის "ზენიტი" პლეი ოფიდან ფინანსური თვალსაზრისით მოკრძალებულმა ფრანგულმა კლუბმა "ოსერმა" გამოაგდო, რომლის ბიუჯეტიც რამდენჯერმე ჩამორჩება მეტოქისას. მიუხედავად ამისა, "ოსერმა" სრულფასოვანი რევანში აიღო რუსული მარცხიდან, 2:0 გაიმარჯვა და ჯგუფურ ეტაპზე გავიდა. მართალია, რუსებს ორი ფეხბურთელი გაუძევეს, მათ შორის, გოლკიპერი, მაგრამ
ამსტერდამში "აიაქსმა" 2:1 მოუგო კიევის "დინამოს" და ჯგუფურ ეტაპზე გავიდა. თავი ფორვარდებმა ლუის სუარესმა და მუნირ ელ ჰამდაუი გამოიჩინეს. უკრაინელები კი დაისაჯნენ მრავალი მომენტის გამოუყენებლობის გამო. ანდრეი შევჩენკოს გოლი პენალტის ნიშნულიდან საკმარისი არ აღმოჩნდა საბოლოო წარმატებისთვის - "აიაქსი" 5-წლიანი პაუზის შემდეგ უბრუნდება ნამდვილ ლიგას.
სკანდინავიურ დაპირისპირებაში დანიის ჩემპიონმა "კოპენჰაგენმა" სტუმრად გატანილი მეტი გოლის წყალობით აჯობა ნორვეგიულ "როსენბორგს". კოპენჰაგენში მასპინძლებმა მცველ სოლვი ოტესენის თავურის წყალობით მოიგეს - 1:0.
პიტერ კრაუჩმა ჰეთ თრიკი შეასრულა შვეიცარიელთა კარში და "ტოტენჰემს" ჯგუფური ეტაპის საგზური მოუპოვა. ა
მ გუნდების დაპირისპირება უცნაურად განვითარდა, პირველ თამაშში "იანგ ბოისი" 3:0 დაწინაურდა, მაგრამ ამხელა უპირატესობა ვერ შეინარჩუნა და მატჩი მხოლოდ 3:2 მოიგო. ლონდონში კი შვეიცარიელებს სრული კრახი ელოდათ - 0:4. ჩეხურ-სლოვაკურ დაპირისპირებაში კი ყველაფერი პირველ მატჩში გადაწყდა და ახლა მხოლოდ ოფიციალურად გაფორმდა, სლოვაკურმა "ჟილინამ" ბევრისთვის მოულოდნელად გამოაგდო პლეი ოფიდან "სპარტა" - 3:0 ორი მატჩის ჯამში. სხვათა შორის, მომოდუ სისეიმ ჩეხთა კარში ულამაზესი გოლი გაიტანა მაკრატელა დარტყმით.
ჩემპიონთა ლიგა. პლეი ოფი. საპასუხო მატჩები
აიაქსი-დინამო 2:1 (1:1)
აიაქსი: სტეკელენბურგი - ვან დერ ვილი, ალდერვეირელდი, ვერტონგენი, ემანუელსონი - ენო, დე იონგი, ზე ზეუ - სუარესი, ელ ჰამდაუი (85. ოიერი), ერიკსენი (73. სულეიმანი).
დინამო: კოვალი - სილვა, მიხალიკი, ხაჩერიდი, პოპოვი - გუსევი (76. ნინკოვიჩი), ერიომენკო, ვუკოევიჩი (88. ანდრე), იარმოლენკო - მილევსკი (86. გილერმე), შევჩენკო.
გოლები: 1:0 სუარესი (43), 2:0 ელ ჰამდაუი (75), 2:1 შევჩენკო (84-პენ)
ოსერი-ზენიტი 2:0 (0:1)
ოსერი: სორენი - ენგბარი, კულიბალი, მინიო, გრიხტინგი - ოლიეჩი (86. შაფნი), პედრეტი, ნდინგა, კონტუ - ლე ტალეკი (64. ბირსა) - იელენი.
ზენიტი: მალაფეევი - ანიუკოვი, ბ. ალვეში, მეირა (79. ბუხაროვი), ჰუბოჩანი - ზირიანოვი (55. ლაზოვიჩი), სემაკი, შიროკოვი - ბისტროვი (67. ჟევნოვი), დანი - კერჟაკოვი.
გოლები: 1:0 ენგბარი (9), 2:0 იელენი (53)
გაძევება: მალაფეევი (65), ჰუბოჩანი (80)
კოპენჰაგენი-როსენბორგი 1:0 (1:2)
კოპენჰაგენი: ვილანდი - პოსპეხი, ოტესენი, ანტონსონი, ვენდტი - კლაუდემირი, კვისტი, ვინგაარდი (91. ზანკა), გრონკიაერი (90. ლარსონი) - ნდოიე, სანტინი (67. ნორეგაარდი).
როსენბერგი: ორლუნდი - ლუსტიგი, სტადსგაარდი, ვანგბერგი (46. სტრანდი), დორსინი - სკიელბრედი (63. ვინსენსი), დემიდოვი, ჰენრიკსენი - ოლსენი (77. მოლდსკრედი), ივერსენი, პრიკა.
გოლი: 1:0 ოტესენი (33)
ტოტენჰემი-იანგ ბოისი 4:0 (2:3)
ტოტენჰემი: გომეში (46. კუდიჩინი) - ჩორლუკა, დოუსონი, კინგი, ასუ-ეკოტო - ლენონი, ჰადლსტოუნი, პალასიოსი, ბეილი (87. კრანჩარი) - დეფო (62. პავლიუჩენკო), კრაუჩი.
იანგ ბოისი: ვიოლფლი - ზუტერი (61. რეგაზონი), ჯემალი, აფოლტერი, შპიხერი - დეგენი, ჰოხშტრასერი, დუბაი (82. კ. შნეული), ლულიჩი - კოსტანცო (61. მ. შნეული) - ბიენვენუ.
გოლები: 1:0 კრაუჩი (5), 2:0 დეფო (32), 3:0 კრაუჩი (61), 4:0 კრაუჩი (78-პენ)
გაძევება: ლულიჩი (77)
ჟილინა-სპარტა 1:0 (2:0)
ჟილინა: დუბრავკა - გულდანი, პეჩალკა, პიაჩეკი, მრაზი - რილკე (92. ჟოშაკი), ბელო, იეჟი, მაიტანი (74. პოლიაჩეკი) - ორავეჩი, სისეი (80. ვიტორი).
სპარტა: ბლაჟეკი - ბონდოა (46. კვეუკე), ჰოჰენედერი, ჰეიდა, პამიჩი (86. ტრეშნიაკი) - კლადრუბსკი - სიონკო (61. კადერაბეკი), კუჩკა, ვახუშეკი, კრეიჩი - ბონი.
გოლი: 1:0 სისეი (18)
კლადრუბსკიმ ვერ გაიტანა პენალტი (მეკარე)
