ოთხშაბათს "ჟილინას" საჩემპიონთალიგო დებიუტი აქვს, სლოვაკეთის ჩემპიონი თვით "ჩელსის" მასპინძლობს და წარმოგიდგენიათ, რამხელა დღესასწაულია 85-ათასმოსახლიანი ქალაქისთვის მსოფლიო დონის ვარსკვლავების თავისთან ხილვა?! მაგრამ ირკვევა, რომ კლუბის ხელმძღვანელობამ სტადიონზე დასასწრებ ბილეთებს ცეცხლი წაუკიდა: ყველაზე იაფი 75 დოლარი ღირს, ხოლო ყველაზე ძვირი – 500!!! არადა, სლოვაკეთის ჩემპიონატის მატჩების ბილეთის ფასი დაახლოებით 10 დოლარის
ბუნებრივია, ასეთი ვითარება უყურადღებოდ დასატოვებელი არ არის და უეფას რეაქციამაც არ დააყოვნა.
"სიტუაციას დიდი ყურადღებით ვაკვირდებით და მის განხილვასაც ვაპირებთ", - მოკლედ და კონკრეტულად თქვა უეფას საშეჯიბრო კომიტეტის ერთ-ერთმა ხელმძღვანმელმა.
