საქართველოს ფეხბურთის ფედერაციის მიერ ორგანიზებულ საერთაშორისო ოთხთა ტურნირზე ჩვენი 19-წლამდელები პირველ მატჩში ესპანეთს დაუპირისპირდნენ და დიდი ანგარიშით დამარცხდნენ. შეხვედრის პირველივე წუთზე ჩვენებმა მეტოქეს სივრცე დაუთმეს და "ბარსელონა B"-ს საყრდენმა ნახევარმცველმა და სტუმართა კაპიტანმა კარლეს ალენიამ ესპანელები ზუსტი დარტყმით დააწინაურა - 0:1.
28-ე წუთზე სტუმრებს კიდევ ერთი შანსი მიეცათ და "ბარსელონა ჟუვენილ A"-ს 17 წლის ფლანგის თავდამსხმელმა ჟორდი მბულამ ესპანელთა უპირატესობა გაზარდა - 0:2.
გიორგი ყიფიანის გაწვრთნილების მცდელობა, სხვაობა შეემცირებინათ, უშედეგო აღმოჩნდა. გიორგი არაბიძისა და გიორგი ჩაკვეტაძის შეტევების შემდეგ სტუმართა კართან
ქართველები შეტევების ორგანიზებასა და სხვაობის შემცირებას მეორე ნახევარშიც ცდილობდნენ, მაგრამ ესპანელთა დაცვას ვერაფერი მოუხერხეს. თვალშისაცემი იყო სტუმრების სათამაშო კლასი და ორგანიზაცია. მათ მესამე გოლიც გაიტანეს და რეალურად, მატჩს წერტილი დაუსვეს: ალენიამ მშვენიერი გადაცემით მეკარესთან ერთი-ერთზე დატოვა მბულა, რომელმაც დუბლი შეასრულა და საბოლოო ანგარიშიც დააფიქსირა - 0:3.
იხილეთ ვიდეო
დარჩენილ წუთებში ყიფიანის გუნდი პრესტიჟის გოლის გატანას შეეცადა, მაგრამ სტუმართა კარს რეალურად მხოლოდ არაბიძე დაემუქრა - დონეცკის "შახტარის" შემტევი ნახევარმცველის ძლიერი დარტყმის შემდეგ ბურთი ესპანელთა კარის ძელს მოხვდა. ეს იყო და ეს.
მატჩის შემდეგ
გიორგი ყიფიანი, საქართველოს 19-წლამდელთა ნაკრების მთავარი მწვრთნელი:
"შედეგითაც უკმაყოფილო ვარ და თამაშის ხარისხითაც. ამ ფორმაციის ნაკრებმა მაღალი დონის გუნდთან პირველად ითამაშა და გამოჩნდა ის უარყოფითი მხარეები, რომლებზეც ყურადღებას გავამახვილებთ.
შემდეგ ორ მატჩში გაცილებით უკეთესი შედეგის ჩვენებას, თამაშის ხარისხის გაუმჯობესებასა და მოგებას შევეცდებით.
ვთქვი, რომ დაცვაში პრობლემები გვქონდა - 5 მოთამაშე ტრავმის გამო ვერ გვეხმარება და მარცხი ამანაც განაპირობა. ესპანეთთან თამაში გასაანალიზებელია. თუმცა ტურნირამდე სერბეთთან ორი ამხანაგური მატჩი ჩავატარეთ და ჯერ პროგრესს ვერ ვხედავ".
ლუის დე ლა ფუენტე, ესპანეთის 19-წლამდელთა ნაკრების მთავარი მწვრთნელი:
"ჩვენ ახალი გუნდი გვყავს, რომელიც ჩამოყალიბების პროცესშია და დღეს კარგი გუნდის წინააღმდეგ მნიშვნელოვანი გამარჯვება მოვიპოვეთ. მიხარია, რომ ტურნირი 3 ქულით დავიწყეთ. ვფიქრობ, შედეგი თამაშის სურათს ასახავს".
* * *
ჯგუფის მეორე შეხვედრა ჰოლანდიასა და საფრანგეთს შორის 1:1 დასრულდა. თავიდან უპირტესობას ჰოლანდიელები ფლობდნენ და ლოგიკურიც იყო, ანგარიში რომ გახსნეს: მეტოქის კარში ლამაზი გოლი შეაგდო "აიაქსის" 19-წლამდელთა გუნდის ბომბარდირმა კაი სიერჰუისმა - 1:0. მეორე ნახევარში ფრანგები გააქტიურდნენ და რამდენიმე რეალური საგოლე მომენტიც შექმნეს. მალე წონასწორობაც აღდგა - ჰოლანდიელთა მცველისა და მეკარის შეუთანხმებლობით "რენის" 19-წლამდელთა გუნდის ცენტრალურმა ნახევარმცველმა ნიკოლა ჟავნიემ ისარგებლა - 1:1.
იხილეთ ვიდეო
ოთხთა ტურნირი. I ტური
09.11. თბილისი. "მიხეილ მესხი"
საქართველო-ესპანეთი 0:3
გოლები: 0:1 ალენია (1), 0:2 მბულა (28), 0:3 მბულა (54)
საქართველო: გუგეშაშვილი, მალი, ხუბაშვილი, კობოური, ფოჩხუა (60. ქოჩორაშვილი), კუცია (77. ვარძელაშვილი), ხარაბაძე (80. ბულუხაძე), არაბიძე (77. არველაძე), ჩაკვეტაძე (77. სამურკასოვი), კვანტალიანი (46. ჩოგაძე), ქავთარაძე (60. საღრიშვილი).
სათადარიგოები: ჩოჩიშვილი, ბულისკერია
მწვრთნელი: გიორგი ყიფიანი
ესპანეთი: ლორენტე, მარტინი, ალენია (68. პეინადო), ბუნუელი (80. კუკუ), მბულა (59. გარსია), ოსკარი (59. ნსანგი), ნავარო (68. გომესი), გალარდონი, გორდონი, პოსო (59. დიასი), ხენარო (75. პეპე ლუ)
მწვრთნელი: ლუის დე ლა ფუენტე
გაფრთხილებები: კუცია (70), ჯენარო (74), არველაძე (90)
არბიტრი: ნ. დაბანოვიჩი (ჩერნოგორია).
09.11. თბილისი. "მიხეილ მესხი" (სათ)
ჰოლანდია-საფრანგეთი 1:1
გოლები: 1:0 სიერჰუისი (21), 1:1 ჟავნიე (63)
ჰოლანდია: ბილოუ, ზეეფუიკი, კნუსტერი, კაროლინა, დე ვიტი, დილორსუნი (90. ვან როოიენი), კოოპმეინერსი, სიერჰუისი (59. დუინი), ბეილევდი (81. ველანასი), ჩონგი (71. კლუივერტი), ფლორანუსი
მწვრთნელი: მაარტენ სტელეკენბურგი
საფრანგეთი: მიზონიალი, დუნჟერი, მუსა, სუისი (90. ფიშერი), სისაკო (60. ჟანვიე), ბუტობა, რუისი (70. მაკენგო), მბაპე (70. კლოდ-მორისი), რეინე-ადელაიდე (81. ოსეი), ედუარდი (60. იკონე), ადუ.
მწვრთნელი: ჟან-კლოდ ჟეტინი
გაფრთხილებები: რუისი (36), კნუსტერი (90)
არბიტრი: ხ. კალოგეროპულოსი (საბერძნეთი).
მომდევნო მატჩები
11 ნოემბერი
თბილისი. "მიხეილ მესხი" (სათ). 12:00
ესპანეთი-ჰოლანდია
გორი. "თენგიზ ბურჯანაძე". 15:00
საქართველო-საფრანგეთი
14 ნოემბერი
თბილისი. "მიხეილ მესხი" (სათ). 15:00
ესპანეთი-საფრანგეთი
თბილისი. "მიხეილ მესხი". 15:00
საქართველო-ჰოლანდია
ყოველდღიური სპორტული გაზეთი "ლელო"
![19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]](/pictures/image7/f8e0bc2725c6ff98f1e7c80d1e2f0b7e.jpg "19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]")
ყველაზე სუსტი რგოლი ჩამშლელი ნახევარმცველია და კარგად ჩანს ბურთის ამოტანა როგორ ჭირს...
და კიდევ სტადიონზე მივიდეთ და ვუგულშემატკივროთ ასე მეტად მონდომებით ითამაშებენ
დაცვაში 5 ფეხბურთელია ტრამვირებული. გარდა ამისა ხალხნო რატომ გიკივირთ რომ საქართველო ასე სწრაფად ვერ გაუთანაბრდება ევროპულ გუნდებს, შეადარეთ იმ ახალგაზრდების გარემო სადაც საერთოდ ბავშვობიდან სწავლობენ ფეხბურთის თამაშს და მერე საქართველოსი. აქ ჯერ ბავშვთა ფეხბურთია მოსაწესრიგებელი და გასამართი, რომ პროცესები სწორად წავიდეს და მერე მივიღებთ შედეგს. იგივე ყიფიანი იყო ესპანეტში ესპანეთს რომ ფრე ეთამაშა და გულშემატკივარი ჩვენს ბიჭებს ტაშს უკრავდა. ყიფიანი ან სხვა ასაკობრივების თავკაცები, მწვრთნელები არიან და არა ჯადოქრები, აცალეთ. ზუსტადაც იმიტომ არიან, რომ მთლიანი პროცესები შეცვალონ და სწორი მიმართულება მისცენ!. სელექციას რაც შეეხება. ეს ადამიანები ჩემი თვალით მყავს ნანახი რამდენიმე რეგიონში მატჩებს რომ ესწრებიან. არ არიან დღეს სწორად გაზრდილი ფეხბურთელები და რა ქნან. თუ ამ გუნდმა ის მოახერხა, რომ სწორი მიმართულება აიღო და ბავშვტა ფეხბურთი და ჯერ საკლუბო დონეზე მოაწესრიგა ბევრი რამ, ნაკრების შედეგიც იქნება. სტადიონზე იარეთ საგულშემატკივროდ და წარმატებები ვუსურვოთ ბიჭებს!