გერმანულმა სააგენტო "ტრანსფერმარკტმა" ფოთის "კოლხეთის" შემტევი ნახევარმცველი ლაშა გვალია 50 ათას ევროდ შეაფასა, ფოთელებისთვის კი 19 წლის პერსპექტიული მოთამაშე ბევრად უფრო ღირებული აღმოჩნდა. ევროპის ლიგაზე ერევნის "ბანანცთან" შეხვედრამდე რუსთავის "მეტალურგმა" რამდენიმე ტრანსფერი განახორციელა. მაშინ გაუწყეთ, რომ რუსთაველებს ფოთის "კოლხეთის" 19 წლის ნახევარმცველის, ლაშა გვალიას გადაბირება სურდათ. თუმცა ახალწვეულების პრეზენტაციაზე, რომელიც სასტუმრო "ქორთიარდ მერიოტში" გაიმართა, ფოთელი არ გამოჩენილა.
შევიტყვეთ, რომ გუნდებს შორის მოლაპარაკება ჩაიშალა. მიზეზი ფოთის "კოლხეთის" პოზიცია ყოფილა - კლუბის მეპატრონეებმა პერსპექტიული ნახევარმცველის საფასურად 300 ათასი დოლარი მოითხოვეს. არც არის
გვალიას არა მხოლოდ "მეტალურგში", უკრაინის ვიშელიგაში დაბრუნების მსურველ ვინიცას "ნივაშიც" იწვევდნენ, მაგრამ საერთოდ, უკრაინელებს ქართველების მინიმალურ ფასად წაყვანა სურთ და როდესაც ფოთელების პოზიცია შეიტყვეს, საქმე მოლაპარაკებამდეც არ მისულა.
ყოველდღიური სპორტული გაზეთი "ლელო"
