რუსთავის "მეტალურგში" ახალი ხელმძღვანელების მისვლასა და მთავარ მწვრთნელად კობა ჟორჟიკაშვილის დანიშვნას საკადრო ცვლილებებიც მოჰყვა - "ლელომ" შეიტყო, რომ გუნდიდან რამდენიმე მოთამაშე გაუშვეს."ოთხი ფეხბურთელი გავუშვით. მოსვლის შემდეგ ვთქვი კიდეც, რომ ზოგი მოთამაშე თანაგუნდელებს კონკურენციას ვერ უწევდა და მათი დროულად გაშვება აჯობებდა, სატრანსფერო ფანჯრის დახურვამდე სხვა გუნდებში მოწყობის საშუალება რომ ჰქონოდათ. ოთხ მათგანს შეველიეთ - ლომაიას, მურველაშვილს, ტყემალაძესა და ახვლედიანს. ამ ოთხეულს კონკურენციის პირობებში ძირითადში თამაში არ მოუწევდათ, მათი სათადარიგოთა სკამზე დატოვება კი გაუმართლებელი იქნებოდა", - გვითხრა ჟორჟიკაშვილმა.
რუსთავის "მეტალურგის" თავკაცს
"აზრადაც არ მქონია "გაგრას" ფეხბურთელების, მწვრთნელისა და, საერთოდ, ამ კლუბის შეურაცხყოფა. შეუძლებელია, მათი და კლუბის პრეზიდენტ ბესიკ ჩიხრაძის მიმართ პატივისცემით არ იყო განწყობილი, რადგან ამ გუდნმა ქართული ფეხბურთის ისტორიაში ლამაზი ფურცლები ჩაწერა - პირველლიგელმა საქართველოს თასი მოიპოვა, ევროპის ლიგაზე "ანორთოსისს" ღირსეულად ებრძოლა და საშინაო მატჩში დაამარცხა კიდეც.
მაგრამ, რადგან ჩემმა სიტყვებმა გაუგებრობა გამოიწვია, მინდა, ამას ბოლო მოეღოს და ჩემთვის პატივსაცემი ადამიანები ნაწყენები არ დამრჩნენ. მე მხოლოდ ის ვთქვი, რომ გაიმარჯვა დაცვითმა ფეხბურთმა, მაგრამ, ამის მიუხედავად, ჩვენ შემტევ ფეხბურთს არ ვუღალატებთ, თამაშს დავხვეწთ და მალე გამოჩნდება, ჩვენი სტილი და ფილოსოფია უფრო მომგებიანია თუ დაცვითი ფეხბურთი. ყოველთვის შევეცდებით, ვითამაშოთ ისე, თავად ფეხბურთელებს რომ სიამოვნებთ და მაყურებელს სტადიონზე იზიდავს.
ეს არის და ეს, მეტოქის კრიტიკა აზარადაც არ გამივლია. პისკოვეცის საქმეა, როგორ ფეხბურთს ითამაშებს "გაგრა", მე ფეხბურთზე ვლაპარაკობდი და არა პიროვნულ პროფესიულ თვისებებზე. შესაძლოა, წაგების შემდეგ ჩემი ემოციური ლაპარაკი შეურაცხყოფად მიიღეს და, თუ ასეა, მზად ვარ, ბოდიში მოვიხადო და კიდევ ერთხელ გამოვხატო პატივისცემა ამ ადამიანებისა და მათი შრომით ჩამოყალიბებული გუნდის მიმართ.
ფეხბურთი იმიტომაც არის საინტერესო, რომ განსხვავებული სტილისა და ფილოსოფიის მიმდევარი გუნდები თამაშობენ, ზოგს "ბარსელონა" მოსწონს, ზოგს "ბაიერნი", მაგრამ ამის გამო შეურაცხყოფა არავინ უნდა დაიმსახუროს", - ამბობს ჟორჟიკაშვილი.
ყოველდღიური სპორტული გაზეთი "ლელო"
