9 აგვისტოს სფფ-ის პრეზიდენტმა ხელი მოაწერა საგანგებო ბრძანებას, რომლის შესაბამისადაც, საქართველოს ეროვნული ჩემპიონატის 2012-2013 წწ. სეზონს უმაღლესი და პირველი ლიგის კლუბები გასულ სეზონში მიღებული ჯარიმების გადმოყოლის გარეშე დაიწყებენ.ფედერაციის პრეზიდენტის გადაწყვეტილებით, ფეხბურთელებსა და მწვრთნელებს გაუუქმდათ სპორტული ჯარიმები და შესაბამისად, კლუბებს, დისკვალიფიცირებულ-დაჯარიმებული ფეხბურთელებისა და მწვრთნელების ჩემპიონატში ჩართვა გათამაშების პირველივე ტურიდან შეეძლებათ.
უნდა აღინიშნოს, რომ ამნისტია არ ეხება დისკვალიფიკაციის ფინანსურ ნაწილს. წინა სეზონზე დაჯარიმებულ ფეხბურთელებსა და მწვრთნელებს საჯარიმო თანხის გადახდა მაინც მოუწევთ.
gbf.ge
