საქართველოსა და ესპანეთის სანაკრებო მატჩით მიღებული ემოციებიდან გამოსვლა ჯერ კიდევ ძნელია, მაგრამ ამიერიდან საქართველოს ჩემპიონატი განახლდება და დროა, ჩვენი ყურადღება შინაური საქმეებისკენ მივაპყროთ. პრემიერლიგის მეხუთე ტური 14 სექტემბერს ორი მატჩით გაიხსნება, დანარჩენი ოთხი მატჩი კი 15 სექტემბერსაა დანიშნული.
ტურის ცენტრალური შეხვედრა სწორედ 15 შაბათს ჩატარდება - გორში "დილა" თბილისის "დინამოს" უმასპინძლებს. ამ და 15 სექტემბერს გასამართ სხვა მატჩებზე "ლელოს" შაბათის ნომერში ვისაუბრებთ, ახლა კი დღევანდელ შეხვედრებს შევეხოთ.
საჩხერის "ჩიხურა", რომელმაც სეზონი ზედიზედ სამი გამარჯვებით დაიწყო, ბოლნისის "სიონს" მიიღებს.
თუკი "ჩიხურამ"
შეგახსენებთ, ცოტა ხნის წინათ "სიონის" მთავარ მწვრთნელად არმაზ ჯელაძე დაინიშნა, რომელმაც ამ თანამდებობაზე სადებიუტო მატჩი წინა ტურში, შინ "ვიტ ჯორჯიასთან" ჩაატარა.
ის შეხვედრა 1:1 დასრულდა. "ჩიხურა" კი გასულ ტურში მარტვილში "მერანთან" 0:1 დამარცხდა.
საჩხერის სტადიონი ჯერ კიდევ არ არის იმ მდგომარეობაში, ოფიციალურ მატჩს რომ უმასპინძლოს და ამჯერად "ჩიხურა" მეტოქეს სოფელ ივანწმინდაში დაუხვდება, სადაც მაღალი დონის საფარი ყოფილა.
საშინაო სტადიონის კიდევ უფრო მწვავე პრობლემა აქვს ბათუმის "დინამოს", რომელმაც თბილისის "დინამო" ზესტაფონში მიიღო, ახლა კი რუსთავის "მეტალურგს" ფოთში უმასპინძლებს.
შეგახსენებთ, ბათუმის სტადიონის მშენებლობა ჯერაც არ დაწყებულა, ქობულეთში კი კეთილმოწყობის სამუშაოები მიმდინარეობს და "დინამოს" საშინაო მატჩების გამართვა იქ მალე შეეძლება.
ბათუმელებს ამ სეზონში ჯერ არ მოუგიათ, მაგრამ ცუდი სტარტის შემდეგ წინა ტურში "ზესტაფონთან" სტუმრად ფრეს მიაღწიეს, რაც "დინამოს" ფეხბურთელებს უდავოდ გამოუკეთებდა განწყობას და საკუთარი თავის რწმენასაც შემატებდა.
ასე რომ, სულაც არ იქნება გასაკვირი, აჭარული კლუბი დღეს საკუთარ აქტივს რაიმეს თუ შემატებს.
საწყის ორ ტურში "მეტალურგს" ორი გამარჯვება და ორი მარცხი აქვს და ქულათა მარაგის შევსება რუსთაველებსაც ჰაერივით სჭირდებათ.
ბათუმელთა მსგავსად, 14 სექტემბერს მათაც აქვთ წარმატების შანსი. საინტერესოა, დროულად შეძლებენ თუ არა "მეტალურგის" წევრები იმ შოკიდან გამოსვლას, რაც 2 სექტემბერს მიიღეს - მეოთხე ტურში საქართველოს ვიცე-ჩემპიონი ქუთაისის "ტორპედოსთან" შინ 0:4 განადგურდა.
სატურნირო ცხრილი
| ა | გუნდი | თ |
მ | ფ | წ |
ბურთები | ქ |
| 1. | დინამო (თბ) | 4 | 4 | 0 | 0 | 12-2 | 12 |
| 2. | ტორპედო | 4 | 3 | 0 | 1 | 8-3 | 9 |
| 3. | ჩიხურა |
4 | 3 | 0 | 1 | 6-3 | 9 |
| 4. | მერანი | 4 | 2 | 0 | 2 | 3-4 | 6 |
| 5. | მეტალურგი | 4 | 2 | 0 | 2 | 2-5 | 6 |
| 6. | სიონი | 4 | 1 | 3 | 0 | 6-5 | 6 |
| 7. | ზუგდიდი | 4 | 1 | 2 | 1 | 3-2 | 5 |
| 8. | ზესტაფონი | 4 | 1 | 1 | 2 | 3-3 | 4 |
| 9. | ვიტ ჯორჯია | 4 | 1 | 1 | 2 | 2-3 | 4 |
| 10. | დინამო (ბთ) | 4 | 0 | 2 | 2 | 2-7 | 2 |
| 11. | კოლხეთი |
4 | 0 | 2 | 2 | 1-8 | 2 |
| 12. | დილა | 4 | 0 | 1 | 3 | 4-7 | 1 |
ყოველდღიური სპორტული გაზეთი "ლელო"
