ნათან სოარეს დე კარვალიო ჟუნიორი ოფიციალურად გახდა გორის "დილას" ფეხბურთელი. როგორც ცნობილია, ბრაზილიის ახალგაზრდული ნაკრების ყოფილი თავდამსხმელი და ლატვიის 2011 წლის ჩემპიონატის საუკეთესო ბომბარდირი 16 სექტემბრიდან საქართველოში იმყოფებოდა, მაგრამ გუნდთან ერთად ვერ ვარჯიშობდა და ელოდებოდა მენეჯერის ჩამოსვლას, რომელსაც ტრანსფერის დეტალები უნდა დაეზუსტებინა.
ჟუნიორის მენეჯერი საქართველოში ჩამოვიდა, ყველა პრობლემა მოგვარდა, კონტრაქტის დეტალები დაზუსტდა, თავად ფეხბურთელმა კი სამედიცინო შემოწმება გაიარა და "დილასთან" ხელშეკრულება მაისის ბოლომდე გააფორმა.
24 წლის ჟუნიორი უკვე გუნდთან ერთად ივარჯიშებს და საქართველოს ჩემპიონატშიც ითამაშებს - ის საჩემპიონო განაცხადში შეიყვანეს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
ვინ არის გორის "დილას" პოტენციური ახალწვეული ნათან ჟუნიორი?
