საქართველოს ჩემპიონ "ზესტაფონს" გაძლიერება რომ სჭირდება, ვგონებ, სადავო არ უნდა იყოს და ამ საკითხზე კლუბშიც მუშაობენ.შევიტყვეთ, რომ "ზესტაფონი" კოტდივუარელი თავდამსხმელით, ბოტი გოა დემელით არის დაინტერესებული.
ბოტი გოა 23 წლისაა, თავისი ქვეყნის ახალგაზრდულ ნაკრებში თამაშობდა. უცხოური კარიერა ლისაბონის "ბენფიკას" მეორე გუნდში დაიწყო, სადაც 26 მატჩში 15 გოლი გაიტანა.
შემდეგ სომხურ "მიკაში" აღმოჩნდა. ჩვენი მეზობელი ქვეყნიდან კი ნორვეგიულ "რუსენბორგში" გადავიდა.
სკანდინავიიდან ბოტი გოა ისევ "მიკაში" დაბრუნდა, თუმცა, როგორც გავიგეთ, "მიკას" ფინანსური პრობლემები შეექმნა და ბოტი გოაც იქაურობას გაეცალა.
"ზესტაფონში" გვითხრეს, რომ
ერთი სიტყვით, არის იმის ვარიანტი, რომ "ზესტაფონი" ამ აფრიკელით გაძლიერდეს. ზაზა ზამთარაძის და დავით მუჯირის გაწვრთნილ "ზესტაფონს" ამ დროისთვის, ფაქტობრივად, მხოლოდ ერთი, ასე თუ ისე გამოცდილი თავდამსხმელი ჰყავს 24 წლის რატი წინამძღვრიშვილის სახით.
წინამძღვრიშვილმა გოლების გატანა კი დაიწყო, მაგრამ "ზესტაფონის" ამბიციებს მარტო ერთი კარგი ფორვარდი ვერ დააკმაყოფილებს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
დავით მუჯირი: "ზესტაფონს" აღმასვლის პერიოდი მალე დაეწყება
ზაზა ზამთარაძე: მე და დავით მუჯირი თანამოაზრეები ვართ
