წინა ტურში "დინამომ" უშუალო კონკურენტ "დილას" შთამბეჭდავად სძლია და "ზამთრის ჩემპიონობაზე" ხმაურიანი განაცხადი გააკეთა, მაგრამ იმთავითვე ნათელი იყო, რომ მდევართან ხუთქულიანი უპირატესობის შესანარჩუნებლად დინამოელებს ასპარეზობის არანაკლები შემართებით გაგრძელება მართებდათ. 28 ნოემბერს საქართველოს მრავალგზის ჩემპიონი მცხეთაში გამართულ თბილისურ დერბიში წინა მატჩის აჩრდილი იყო და თამაშის სურათიდან გამომდინარე, სულაც არ არის გასაკვირი, ფრეს რომ დასჯერდა.
როგორც ჩანს, უპრინციპულეს დაპირისპირებაში გამარჯვებამ დუშან უჰრინის ფეხბურთელებს დიდი ენერგია წაართვა და ისიც ნათელი იყო, რომ სტუმრები მოედანზე არასათანადო და არასაკმარისი საბრძოლო განწყობით გავიდნენ. რიგ ეპიზოდებში "დინამოს"
ნამატჩევს დინამოელებს მატჩის არბიტრთან ჰქონდათ პრეტენზიები და ეს სამ ეპიზოდს უკავშირდება - სტუმრები ეჭვობდნენ, რომ ანგარიშის გათანაბრებისას ხელით თამაშს ჰქონდა ადგილი; პირველი ტაიმის შუაწელში გიორგი მერებაშვილი მეტოქის მცველთან ორთაბრძოლაში დაეცა და ჩემპიონატის ლიდერები პენალტს ითხოვდნენ; მეორე ნახევრის საწყის ნაწილში კი დინამოელებმა მათ სასარგებლოდ არდანიშნული თავისუფალი დარტყმა გააპროტესტეს - "ვიტ ჯორჯიას" მეკარე ნიკოლოზ დაუშვილმა ბურთი ხელში თანაგუნდელის გადაცემის შემდეგ აიღო.
"დინამო" ჩისკოს სწრაფი გოლით დაწინაურდა და შეიქმნა შთაბეჭდილება, რომ სტუმრები დაგეგმილ სამ ქულას აუღელვებლად მოიპოვებდნენ. ესპანელმა შორი დისტანციიდან ეფექტურად გაიტანა - დაუშვილმა რეაგირება ვერ შეძლო.
თამაში სწრაფ ტემპში გაგრძელდა, "ვიტ ჯორჯიამ" თამამად შეუტია და უკვე მე-10 წუთზე გიორგი კორიფაძეს შეეძლო ანგარიშის გათანაბრება, მაგრამ მისი მოჭრილი დარტყმა ოდნავ არაზუსტი გამოდგა.
მე-12 წუთზე ჩისკოს დუბლის გაფორმება შეეძლო. იგი ლევან ხმალაძის პასით მეკარესთან პირისპირ აღმოჩნდა, მაგრამ მიზანს ააცილა.
მე-18 წუთზე კი დინამოელმა დარკო გლიშიჩმა ბურთი უწყინარ სიტუაციაში დაკარგა, კორიფაძემ საჯარიმოში ჩაჰკიდა და ლაშა გაბრიჭიძემ ანგარიში თავური დარტყმით გაათანაბრა.
არდანიშნულ თერთმეტმეტრიანზე უკვე გითხარით. პირველი ტაიმის ბოლო საინტერესო ეპიზოდი კი კონტრშეტევის შედეგად კორიფაძის მიერ შესრულებული დარტყმა იყო, რომელიც გიორგი ლორიამ კუთხურზე მოიგერია.
"დინამო" შესვენების შემდეგაც ცდილობდა პირველ ნომრად თამაშს, საგოლე მომენტებს უხვად ვერ ქმნიდა, მაგრამ გამარჯვების გოლის გატანა მაინც შეეძლო. ჩისკოს საკმაოდ სახიფათო ჯარიმა მეკარემ მოიგერია, გივი კვარაცხელიას კი მიზანმა მცირედით უმტყუნა - ბურთი მასპინძელთა კარის ძელს მოხვდა.
არც "ვიტ ჯორჯია" ყოფილა უქმად და მატჩის დასკვნით ნაწილში აქტიურადაც უტევდა. თავისიანების დაწინაურება შეეძლო შეცვლაზე შესულ ელგუჯა ლობჯანიძეს, მაგრამ ძლიერად ვერ დაარტყა და ლორია ამოცანას უპრობლემოდ გაუმკლავდა.
ასე დაკარგა "დინამომ" ძვირფასი ქულები, ვეტერინართა მიმართ კი საქებარი სიტყვები არ უნდა დავიშუროთ. მერაბ კოჭლაშვილის გუნდმა საპატიო შედეგს შეუპოვარი თამაშითა და ჩვეული ბრძოლისუნარიანობით მიაღწია.
მატჩის შემდეგ
("დინამოს" ვებგვერდის მიხედვით)
მერაბ კოჭლაშვილი (ვიტ ჯორჯია):
"თავიდანვე ვიცოდით, რომ რთული მატჩი გველოდა. პირველივე წუთებიდან აქცენტი კონტრშეტევებზე გავაკეთეთ. მეტოქე კლასის ხარჯზე მთელ რიგ ეპიზოდებში გვჯობდა კიდეც, თუმცა საბოლოოდ შეხვედრა ფრედ დასრულდა".
დუშან უჰრინი (დინამო):
"კარგად დავიწყეთ და გოლიც გავიტანეთ. თუმცა მეტოქემ ანგარიშის გათანაბრება მოახერხა, მაგრამ, თუ არ ვცდები, ხელით თამაშს ჰგავდა. ჩანაწერში ეს ზუსტად გამოჩნდება. მოწინააღმდეგე, პრაქტიკულად, მთელი გუნდით უშეცდომოდ იცავდა თავს. სასურველი შედეგის მიღწევაში ხელი მოედნის უხარისხო საფარმაც შეგვიშალა".
საქართველოს ჩემპიონატი. უმაღლესი ლიგა. XVII ტური
28.11. მცხეთა. მცხეთა პარკი. 200 მაყურებელი
ვიტ ჯორჯია-დინამო 1:1
0:1 ჩისკო (3), 1:1 გაბრიჭიძე (18. კორიფაძის პასით)
Video
ვიტ ჯორჯია - დინამო 1:1
ვიტ ჯორჯია - დინამო 1:1
ვიტ ჯორჯია დინამო
5-4-1 4-2-3-1
ნ. დაუშვილი ლორია
ხურცილავა ტვილდიანი
გეთიაშვილი გ. კვარაცხელია
ადამაძე რეხვიაშვილი
კასრაძე გლიშიჩი
ჯავაშვილი ძარია
კორიფაძე ხმალაძე
გურ. გურეშიძე ჩისკო
ვასაძე ალვარო
დავლაშელიძე მერებაშვილი
გაბრიჭიძე დვალი
მწვრთნელები:
მ. კოჭლაშვილი დ. უჰრინი
ვიტ ჯორჯია
66. კორიფაძე - ღიბრაძე
71. გაბრიჭიძე - ე. ლობჯანიძე
86. ვასაძე - გოგიაშვილი
სათადარიგოები: რეჭია, ტეტუნაშვილი, ჯუღელი, კუხალეიშვილი
დინამო
69. მერებაშვილი - რობერტინიო
86. გლიშიჩი - ვოსკობოინიკოვი
სათადარიგოები: ზარქუა, ნ. კვეკვესკირი, გველესიანი, პარუნაშვილი, ჯიღაური
გაფრთხილება: დავლაშელიძე (83), ტვილდიანი (83), ვასაძე (84), ძარია (90)
არბიტრი: დ. ხარიტონაშვილი
ტურის სხვა მატჩები
დილა-ზესტაფონი 1:0 - ნავსი გატყდა [VIDEO]
ჩიხურა-ზუგდიდი 2:0 - დამაჯერებელი რევანში [VIDEO]
სიონი-მერანი 2:1 - პირველი ბოლნისური
დინამო (ბთ)-ტორპედო 0:2 - ქუთათურებმა ხასიათი გამოიკეთეს
კოლხეთი-მეტალურგი 2:3 - ფოთში დამარცხებულებს ასამართლებენ
სატურნირო ცხრილი
| ა | გუნდი | თ | მ | ფ | წ | ბ | ქ |
| 1 | დინამო (თბ) | 17 | 12 |
4 |
1 |
47-14 |
40 |
| 2 | დილა | 17 | 12 |
1 |
4 |
28-11 |
37 |
| 3 | ჩიხურა | 17 | 11 |
2 |
4 |
27-14 |
35 |
| 4 | ტორპედო | 17 | 10 |
2 |
5 |
32-16 |
32 |
| 5 | ზუგდიდი | 17 | 8 |
5 |
4 |
21-14 |
29 |
| 6 | ზესტაფონი | 17 | 8 |
4 |
5 |
22-14 |
28 |
| 7 | მეტალურგი | 17 | 7 |
2 |
8 |
14-22 |
23 |
| 8 | მერანი | 17 | 5 |
2 |
10 |
11-26 |
17 |
| 9 | ვიტ ჯორჯია | 17 | 4 |
5 |
8 |
11-23 |
17 |
| 10 | სიონი | 17 | 4 |
5 |
8 |
13-26 |
17 |
| 11 | დინამო (ბთ) | 17 | 2 |
3 |
12 |
17-38 |
9 |
| 12 | კოლხეთი | 17 |
0 |
3 |
14 |
8-33 |
3 |
ბომბარდირები
დვალი (დინამო თბ) 12
ჩისკო (დინამო თბ) 10
ალვარო (დინამო თბ) 9
საბანაძე (ტორპედო) 7
ოდიკაძე (ჩიხურა) 7
მომდევნო, XVIII ტური
2 დეკემბერი, კვირა
მერანი-დინამო (ბთ)
ტორპედო-კოლხეთი
ზუგდიდი-სიონი
მეტალურგი-დილა
ზესტაფონი-ვიტ ჯორჯია
დინამო (თბ)-ჩიხურა
ყოველდღიური სპორტული გაზეთი "ლელო"
