დინამო-ზუგდიდი 2:0 - თავდაჯერებული ლიდერი [VIDEO]

ზამ­თ­რის სუს­ხ­მა დე­და­ქა­ლაქ­შიც შე­მო­აღ­წია, თუმ­ცა "დი­ნა­მოს" ერ­თ­გულ­მა ფა­ნებ­მა წელზე­მოთ გა­ი­ხა­დეს და ასე ქო­მა­გობ­დ­ნენ საყ­ვა­რელ გუნდს.

დი­ნა­მო­ე­ლებ­მაც არ გა­აწ­ბი­ლეს მხარ­დამ­ჭე­რე­ბი და მო­რი­გი, შე­იძ­ლე­ბა ით­ქ­ვას, ად­ვი­ლი გა­მარ­ჯ­ვე­ბა იზე­ი­მეს.

"ზუგ­დი­დის" თავ­კაც­მა ელ­გუ­ჯა ქო­მე­თი­ან­მა ნა­მატ­ჩევს გვითხ­რა, ჩვენს გუნ­დ­ში ფი­ნან­სუ­რი პრობ­ლე­მე­ბი კი არის, მაგ­რამ გვპირ­დე­ბი­ან, რომ 25 დე­კემ­ბ­რის­თ­ვის ყვე­ლა­ფე­რი მოგ­ვარ­დე­ბაო.

ქო­მე­თი­ან­მა ისიც აღ­ნიშ­ნა, მე­ო­რე ტა­იმ­ში თა­მა­შის ხა­რის­ხი კი გა­მო­ვას­წო­რეთ, მაგ­რამ ეს შე­დეგ­ში ვერ აისა­ხაო.

რაც შე­ე­ხე­ბა დი­ნა­მო­ელ­თა ჩეხ დამ­რი­გე­ბელ დუ­შან უჰ­რინს, მოგ­ვახ­სე­ნა, პირ­ვე­ლი ტა­ი­მი კარ­გად ვი­თა­მა­შეთ, შეს­ვე­ნე­ბის შემ­დეგ კი ცო­ტა მო­ვეშ­ვით, თუმ­ცა ჩვენ­თ­ვის მნიშ­ვ­ნე­ლო­ვა­ნია, რომ გო­ლი არ გა­ვუშ­ვი­თო.

მოკ­ლედ, მწვრთნე­ლებ­მა ისე ლა­კო­ნუ­რად შე­ა­ფა­სეს ყვე­ლა­ფე­რი, რომ მატ­ჩის ჟურ­ნა­ლის­ტურ გა­შუ­ქე­ბას დი­დი აღა­რა­ფე­რი სჭირ­დე­ბა.

რო­გორც კი გუნ­დე­ბი მო­ე­დან­ზე გა­ვიდ­ნენ, ად­ვი­ლი შე­სამ­ჩ­ნე­ვი გახ­და, რომ დი­დი ბრძო­ლა აქ ვერ გა­ჩაღ­დე­ბო­და. სტუმ­რე­ბი თით­ქოს შე­გუ­ე­ბუ­ლე­ბი იყ­ვ­ნენ მარცხს, "დი­ნა­მო" კი თავ­და­ჯე­რე­ბუ­ლი ჩან­და.

ჯა­ბა დვალ­მა შო­რი­დან ვერ გა­ის­წო­რა მი­ზა­ნი, ჩის­კომ ოდ­ნავ მახ­ვი­ლი კუთხი­დან ააცი­ლა კარს, დვა­ლი მოხ­დე­ნი­ლად შე­იჭ­რა "ზუგ­დი­დის" სა­ჯა­რი­მო­ში, თუმ­ცა ასე­ვე კარ­გად ვერ და­ას­რუ­ლა იერი­ში.

გო­ლი ნელ-ნე­ლა მწიფ­დე­ბო­და და მო­სახ­დე­ნიც მოხ­და: რო­გორც კი მსაჯ­მა ჯა­რი­მა და­ნიშ­ნა "ზუგ­დი­დის" კა­რის მი­მარ­თუ­ლე­ბით, გი­ორ­გი მე­რე­ბაშ­ვილ­მა მე­ტო­ქეს გონ­ზე მოს­ვ­ლა არ აცა­ლა და ჩი­ნე­ბუ­ლად გა­უჭ­რა პა­სი ჩის­კოს, ეს­პა­ნელ­მა კი ყველა­ფე­რი ისე შე­ას­რუ­ლა, რო­გორც ოს­ტატს ეკად­რე­ბა - 1:0.

აქე­დან ცო­ტა ხან­ში ლე­ვან სე­თუ­რი­ძემ იკის­რა სო­ლორე­ი­დი მარ­ჯ­ვე­ნა ფლან­გი­დან. კარ­გა­დაც ჩა­ა­წო­და კა­რის გას­წ­ვ­რივ და დვალ­მა მე­ო­რედ დაამ­წუხ­რა ზუგ­დი­დე­ლე­ბი - 2:0.

სტუმ­რებ­მა პირ­ველ ტა­იმ­ში ვე­რა­ფე­რი მო­უ­ხერ­ხეს "დი­ნა­მოს" დაც­ვას. ერ­თი ეგ იყო, რომ ირაკ­ლი ქო­ბა­ლი­ამ შო­რე­უ­ლი დარ­ტყ­მით ზუს­ტად გი­ორ­გი ლო­რი­ას ხე­ლე­ბის­კენ გაგ­ზავ­ნა ბურ­თი.

მე­ო­რე ტა­იმ­ში "ზუგ­დიდ­მა" შე­და­რე­ბით გა­მო­ა­კე­თა თა­მა­ში. კარ­გად ჩა­ერ­თო შე­ხე­ვედ­რა­ში შეც­ვ­ლა­ზე შე­სუ­ლი ლე­ვან კუ­ტა­ლია, რომ­ლის პა­სით ალექ­სან­დ­რე კოშ­კა­ძე აღ­მოჩ­ნ­და "დი­ნა­მოს­თ­ვის" სა­ხი­ფა­თო პო­ზი­ცი­ა­ზე, თუმ­ცა აქე­დან ზუგ­დი­დე­ლებ­მა სა­ხე­ი­რო ვე­რა­ფე­რი გა­მო­ად­ნეს.

"ზუგ­დიდს" ხელ­მე­ო­რედ შე­ექ­მ­ნა სა­გო­ლე შე­საძ­ლებ­ლო­ბა, ოცი­ო­დე მეტ­რი­დან გი­ორ­გი გა­ბე­და­ვამ შეას­რუ­ლა დარ­ტყ­მა და ბურ­თი ძელს გა­არ­ტყა.

შეხ­ვედ­რის მი­წუ­რულს კოშ­კა­ძემ და­არ­ტყა "დი­ნა­მოს" კა­რის­კენ არა­ზუს­ტად - ეს სტუ­მარ­თა ბო­ლო გაბ­რ­ძო­ლე­ბა იყო...



საქართველოს ჩემპიონატი. უმაღლესი ლიგა. ტურის სხვა მატჩები
მეტალურგი-ჩიხურა 1:1
დინამო(ბთ)-დილა 1:2
ზესტაფონი-სიონი 1:0
ტორპედო-ვიტ ჯორჯია 2:0
მერანი-კოლხეთი 4:0

სატურნირო ცხრილი

ა	გუნდი	თ	მ	ფ	წ	ბ	ქ
1	დინამო (თბ)	20	15	4	1	59-16	49
2	დილა	20	14	1	5	32-13	43
3	ტორპედო	20	13	2	5	37-17	41
4	ჩიხურა	20	12	3	5	33-21	39
5	ზუგდიდი	20	10	5	5	26-18	35
6	ზესტაფონი	20	9	4	7	25-19	31
7	მეტალურგი	20	8	3	9	16-25	27
8	მერანი	20	7	2	11	20-30	23
9	ვიტ ჯორჯია	20	5	5	10	13-27	20
10	სიონი	20	4	5	11	13-34	17
11	დინამო (ბთ)	20	3	3	14	21-44	12
12	კოლხეთი	20	0	3	17	10-41	3

ბომბარდირები
ჩისკო (დინამო თბ) 16
დვალი (დინამო თბ) 15
ს. ლომია (მერანი) 11
ალვარო (დინამო თბ) 10

მომდევნო, XXI ტური
19 დეკემბერი, ოთხშაბათი
დინამო (თბ)-მერანი
ზუგდიდი-ზესტაფონი
სიონი-მეტალურგი
ჩიხურა-ტორპედო
ვიტ ჯორჯია-დინამო (ბთ)
დილა-კოლხეთი

თავ­და­ჯე­რე­ბუ­ლი დი­ნა­მო (იბეჭდება მცირე ცვლილებით)
ყოველდღიური სპორტული გაზეთი "ლელო"