29 სექტემბერს საქართველოს ჩემპიონატის მე-7 ტურის 5 მატჩი გაიმართა. ერთი კი 30 სექტემბერს შედგება - ქუთაისის "ტორპედო" "ვიტ ჯორჯიას" მასპინძლობს.ბოლნისის "სიონი" საჩხერის "ჩიხურას" დაუზავდა - 2:2. დიმიტრი ტატანაშვილმა სტუმრები 46-ე წუთზე დააწინაურა, მაგრამ იქვე ფეხბურთში დაბრუნებულმა ირაკლი სამხარაძემ გაათანაბრა.
84-ე წუთზე აკაკი მიკუჩაძემ "სიონი" წინ გაიყვანა, მაგრამ 90-ე წუთზე ლაშა ჭელიძემ წონასწორობა აღადგინა.
რუსთავში "მეტალურგმა" გოგი ფიფიას ერთადერთი გოლის წყალობით მოუგო "ზუგდიდს" - 1:0.
შიდაქართლის დერბი გორის "დილასა" და ცხინვალის "სპარტაკს" შორის გიორგი დევდარიანის გუნდმა 3:1 მოიგო.
მიხეილ გორელიშვილმა
თბილისის "დინამომ" მარტვილის "მერანს" უმასპინძლა. სტუმრები მოულოდნელად, მე-3 წუთზევე დაწინაურდნენ, ლამაზი გოლი გაიტანა ბექა ციკოლიამ.
მე-18 წუთზე დავით კვირკველიამ გაათანაბრა, ვეტერანმა მცველმა 51-ე წუთზე დუბლი შეასრულა, 2 წუთში კი გოლი ირაკლი ძარიამ გაიტანა. შემდეგ "მერანმა" კვლავ შეამცირა სხვაობა, ხოლო 81-ე წუთზე შეცვლაზე შესულმა პატრიკ ვუომ ყველა კითხვა დღის წესრიგიდან მოხსნა - 4:2.
"ზესტაფონმა" ლანჩხუთის "გურიას" უმასპინძლა. 87-ე წუთზე მასპინძლები ირაკლი ქობალიამ დააწინაურა - 1:0.
თბილისის "დინამო" უახლოეს მდევარს უკვე 3 ქულით უსწრებს.
ასევე იხილეთ:
უმაღლესი ლიგის VII ტურის წინ: მომზადების ფასი
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
