ფოტოზე: ჯაბა ჯიღაურისაშემოდგომო ეტაპის დასრულების შემდეგ თბილისის "დინამო" რამდენიმე ფეხბურთელს დაემშვიდობა. კონტრაქტის ვადა ამოეწურათ და გუნდიდან წავიდნენ ომარ მიგინეიშვილი, ზურაბ ხიზანიშვილი და ირაკლი ძარია.
ორმხრივი შეთანხმების საფუძველზე, "დინამო" დატოვეს დავით საჯაიამ, გიორგი მჭედლიშვილმა და ნიკა საბანაძემ.
"ლელო" უკვე წერდა, რომ კლუბში რამდენიმე ახალწვეულია. ერთ-ერთი მათგანია ქუთაისის "ტორპედოს" მარჯვენა მცველი ვაჟა ტაბატაძე. 23 წლის ფეხბურთელი უკვე გუნდთან ერთადაა.
როგორც შევიტყვეთ, მეორე ეტაპისთვის მზადება ასევე "დინამოში" დაიწყო ჯაბა ჯიღაურმა, რომლის ტრანსფერიც თბილისურ კლუბს ეკუთვნის, ბოლო წელიწად-ნახევრის განმავლობაში კი იჯარით საჩხერის "ჩიხურაში"
მათ გარდა, თბილისური გუნდის მწვრთნელები ჯონი ჯერემიასაც აკვირდებიან. "გაგრას" 21 წლის ნიგერიელი თავდამსხმელი გუნდში 2011 წელს ჩაირიცხა, წლის დასაწყისში იჯარით სომხურ "მიკაში" თამაშობდა, ხოლო შემდეგ ისევ "გაგრას" დაუბრუნდა.
"დინამო" "ზესტაფონიდან" თედორე გრიგალაშვილისა (მცველი) და ვახტანგ ჭანტურიშვილის (ნახევარმცველი) დამატებითაც დაინტერესდა.
შევიტყვეთ, რომ ამ სიაშია იმერელთა თავდამსხმელი ბექა მიქელთაძეც, რომელსაც ნოდარ აკობიას ფორმაციის 17-წლამდელთა ნაკრებში უთამაშია.
ყოველდღიური სპორტული გაზეთი "ლელო"
![ლამაზი გოლები... "სამგურალმა" "დინამო თბილისს" მოუგო, დერბები ფრედ დასრულდა [VIDEO]](/pictures/image7/85f1a83028671db3c85cbeac88707d64.jpg "ლამაზი გოლები... \"სამგურალმა\" \"დინამო თბილისს\" მოუგო, დერბები ფრედ დასრულდა [VIDEO]")
![ეროვნული ლიგა. X ტური. "სამგურალი" - "დინამო" (თბ) [LIVE]](/pictures/image7/859dc987155f477ff5767a4bf1445d97.png "ეროვნული ლიგა. X ტური. \"სამგურალი\" - \"დინამო\" (თბ) [LIVE]")
![ეროვნული ლიგა. IX ტური. "გაგრა" - "დინამო" (თბ) [LIVE]](/pictures/image7/59c49b76a32c416bb8a913c48214c59e.png "ეროვნული ლიგა. IX ტური. \"გაგრა\" - \"დინამო\" (თბ) [LIVE]")
