თურქულ შეკრებაზე მყოფმა "ცხინვალმა" მესამე მატჩი გამართა და, როგორც იქნა, მოიგო. კახა კაჭარავას შეგირდებმა მაკედონიის ერთ-ერთი საუკეთესო კლუბი "რაბოტნიჩკი" დაამარცხეს - 1:0.პირველი ტაიმი ქართველთა აშკარა უპირატესობით წარიმართა. ჯერ საგოლე მომენტი ლაშა შინდაგორიძეს ჰქონდა, მერე რატი ცაცკრიალაშვილს არ გაატანინა მაკედონიელთა მეკარემ.
სულ მალე ამ ორმა ფეხბურთელმა კიდევ შექმნა ხიფათი "რაბოტნიჩკის" კართან, მე-40 წუთზე კი შეხვედრის ერთადერთი გოლიც გავიდა - ვასილ ბაჩიაშვილის ჩაწოდების შემდეგ ცაცკრიალაშვილმა ერთი შეხებით, მეკარისაგან შორეულ მარჯვენა დაბალ კუთხეში გაგზავნა ბურთი.
მეორე ტაიმი მაკედონიელთა უპირატესობით დაიწყო, თუმცა ორჯერ
კაჭარავამ ეს შემადგენლობა ათამაშა: ნადირაძე, ბაჩიაშვილი, კაჭკაჭიშვილი, იმედაშვილი, ნ. ჯიშკარიანი, მახარობლიძე, ქარდავა, შინდაგორიძე, მარკოზაშვილი, ცაცკრიალაშვილი, ივანიშვილი; შეცვლაზე შევიდნენ: ნანიევი, ცერცვაძე, გიორგაძე, ბურძენაძე, მაისაშვილი, მუმლაძე, რუხაძე, ლექვთაძე, ახვლედიანი, არაბული.
"სპარტაკი" შეკრების ბოლო მატჩს რუმინეთის პირველი ლიგის ლიდერ "ვოლუნტართან" ჩაატარებს და მერე სამშობლოში დაბრუნდება.
ყოველდღიური სპორტული გაზეთი "ლელო"
ძნელია ამის დამახსოვრება?