საქართველოს ეროვნული ჩემპიონატის ერთ-ერთი გამორჩეული ფორვარდი ნიკა საბანაძე მომავალ სეზონს, დიდი ალბათობით, "სამტრედიაში" დაიწყებს. 24 წლის შემტევი უკვე ესაუბრა იმერელთა ახალ დამრიგებელ გია ცეცაძეს."მწვრთნელს ველაპარაკე. ჯერ ეს საკითხი საბოლოოდ არ არის გადაწყვეტილი, მაგრამ საკმაოდ დიდია იმის ალბათობა, რომ სეზონს "სამტრედიაში" დავიწყებ", - გვითხრა გუშინ საბანაძემ, ვისაც აქამდე "ტორპედოში" (ორჯერ), "ზესტაფონსა" და თბილისის "დინამოში" უთამაშია.
როგორც შევიტყვეთ, "სამტრედიას" ასევე სურს გივი იოსელიანის გადაბირება. 24 წლის ფეხბურთელს აქამდე "ტორპედოში", უნგრულ "კეჩკემეტში", სიონსა" და "ცხინვალში" უთამაშია.
(იბეჭდება მცირე ცვლილებით)
ყოველდღიური სპორტული გაზეთი
