გურია-ჩიხურა 1:3 - იოვანოვიჩი-ჰამზიჩი 3:1 [VIDEO]

ეს იყო მატჩი, რომლის მოგება ორივე გუნდს სჭირდებოდა და მისი ბედი მეკარეებმა "გადაწყვიტეს". ფაქტია - აქამდე ბევრჯერ ნაქები ალექსანდარ იოვანოვიჩისა და დინო ჰამზიჩის მიუტევებელი შეცდომები რომ არა, მატჩი 0:0 დასრულდებოდა.

თუ "ჩიხურას" ბოსნიელი მეკარისთვის 23-ე წამზე ირაკლი კვეკვესკირის დარტყმა მოულოდნელი აღმოჩნდა, სერბმა იოვანოვიჩმა ვიზავის "საჩუქარი" სამმაგად "დაუბრუნა" - ჯერ დმიტრო ზოზულიასთან ერთად დავით ვოლკოვს ბურთი "აჩუქა", მერე გიორგი რეხვიაშვილის საჯარიმო დარტყმას თვალი გააყოლა, ბოლოს კი ლაშა კუჭუხიძესაც არ "აწყენინა", როცა არასერიოზულად მოიქცა და მეტოქის შემტევს არასაჭირო ფინტის ჩატარება მოუნდომა...

3:1 - მეკარეთა შეცდომები ზუსტად ასახავს საბოლოო ანგარიშს.

საქართველოს ეროვნული ჩემპიონატი. უმაღლესი ლიგა. XXVII ტური
30.04. ლანჩხუთი. "ევგრაფი შევარდნაძე"
გურია-ჩიხურა 1:3
გოლები: 1:0 კვეკვესკირი (1), 1:1 ვოლკოვი (13), 1:2 რეხვიაშვილი (31), 1:3 კუჭუხიძე (40)
გურია: იოვანოვიჩი (46. იმერლიშვილი), ნოზაძე, ზოზულია, ჩადუნელი, პატერსონი, კილაძე (83. გელაშვილი), ალავერდაშვილი, შტანდერი, მოროზენკო, კვეკვესკირი, ჟუნიორი (46. გამყრელიძე).
სათადარიგოები: კახელიშვილი, დ. ბახია, ლაბაძე
მწვრთნელი: გია გოგუა
ჩიხურა: ჰამზიჩი, განუგრავა, კუჭუხიძე, კორიფაძე, ვოლკოვი (90. კაკაშვილი), ჭეჭელაშვილი (46. ვუკაშოვიჩი), ჩიკვაიძე, დობროვოლსკი, კაშია, რეხვიაშვილი, ჯოხაძე (66. დეკანოიძე).
სათადარიგოები: კუპატაძე, მუმლაძე, ენუქიძე, ლოვრეჩიჩი
მწვრთნელი: სოსო ფრუიძე
გაფრთხილება: დობროვოლსკი (20), კილაძე (48), ჩადუნელი (75), ნოზაძე (85)
არბიტრი: ჯ. ხორავა.

ბომბარდირები
გ. ქვილითაია (დინამო, თბ) 20
ო. მარცვალაძე (დილა) 16
ბ. ზივზივაძე (სამტრედია) 15
ჯ. ჯიღაური (დინამო, თბ) 13
ი. სიხარულიძე (სამტრედია) 13
დ. ტატანაშვილი (სიონი) 13
ნ. კაჭარავა (ცხინვალი) 13

XXVIII ტური
8 მაისი, კვირა
კოლხეთი-სამტრედია
ზუგდიდი-მერანი
დილა-საბურთალო
დინამო (ბთ)-ლოკომოტივი
ტორპედო-საპოვნელა
ცხინვალი-შუქურა

9 მაისი, ორშაბათი
დინამო (თბ)-გურია
ჩიხურა-სიონი.

ყოველდღიური სპორტული გაზეთი "ლელო"