გერმანიასთან შეხვედრის შემდეგ საქართველოს ნაკრების ზოგიერთი მოთამაშე გამოვკითხეთ. წინასწარ ვიტყვით, რომ მათ საერთო აზრი აქვთ - ნაკრებს მეტი შეუძლია, მაგრამ გუნდს ჩამოსაყალიბებლად დრო სჭირდება...კახა მახარაძე სტადიონს გულდაწყვეტილი ტოვებდა. ტაშკენტის "ფახთაქორის" ნახევარმცველი მიიჩნევს, რომ გერმანიასთან შეხვედრას საკუთარ აქტივში ვერ ჩაიწერს.
"ძალიან მძიმე თამაში გვქონდა და გამიჭირდა. მე უზბეკეთის ჩემპიონატში ვთამაშობ და უცებ მსოფლიოს ჩემპიონების წინააღმდეგ გამოსვლა ძალიან ძნელი აღმოჩნდა.
რა დასამალია და, ამის გამო თავიდან მთელი გუნდი ზედმეტად დაძაბული ვიყავით. ისიც სათქმელია,
მდგომარეობა მეორე ნახევარში ოდნავ მაინც გამოსწორდა. გუნდი ერთი კვირის შეკრებილია, ახალ სათამაშო სქემას ამუშავებს და არა მგონია, სწრაფი გარდაქმნა რეალური იყოს. ამას დრო და მუშაობა სჭირდება. მომავალს იმედიანად ვუყურებ", - ამბობს მახარაძე.
(იბეჭდება მცირე ცვლილებით)
ყოველდღიური სპორტული გაზეთი "ლელო"
თქვენ გულით თამაში გააგრძელეთ, თავი არ დაზოგოთ და ყველაფერი იქნება. მთავარია აზრიანი ფეხბურთი ითამაშოთ. კარში ჩაყენებული ავტობუსით თამაშის დედაც. რასაც ქეცბაია აკეთებდა ბოლოს ეგეთი არც ფრე მინდა და არც "მინიმალურად წაგება". იმაზე რომ არაფერი ვთქვათ, რო გამოვიდოდა მერე და საკუთარ ფეხბურთელებს დასცინოდა. კარგი რა!
საკუთარი შეცდომის (ამ შემთხვევაში სუსტი თამაშიც) აღიარებაც ღირსეული საქციელია და დასაფასებელია.