"ლელო" ექსკლუზიურ ინფორმაციაზე დაყრდნობით წერდა, რომ საქართველოს ნაკრები 29 მარტს ყაზახეთთან გასამართავი თბილისური ამხანაგური მატჩისთვის "ბასაზე" არ მოემზადებოდა. ახლა კი, ასევე სანდო წყაროსგან მიღებული ინფორმაციის საფუძველზე, შეგვიძლია დავწეროთ, რომ თუ სასწაული არ მოხდა, ნაკრების ახალი მწვრთნელი ვლადიმირ ვაისი ხსენებული სპარინგისთვის გუნდს თბილისის ზღვაზე, "ზესტაფონის" საწვრთნელ ბაზაზე შეკრებს და იქვე მოამზადებს.16 მარტს, საქართველოს ფეხბურთის ფედერაციაში დაგვიდასტურეს, რომ ბაზის მფლობელებთან მოლაპარაკება აქტიურ ფაზაშია შესული და, დიდი ალბათობით, წარმატებით დასრულდება.
სანამ "ზესტაფონის" ბაზაზე ვრცლად ვიტყოდეთ, ის ვთქვათ, რომ საქართველოს ფეხბურთის ფედერაცია "ბასაზე"
რაც შეეხება "ზესტაფონის" ბაზას, იქ არის ორი, უმაღლესი ხარისხის ბუნებრივსაფარიანი სავარჯიშო მოედანი. როგორც გავიგეთ, დასასრულს უახლოვდება სხვადასხვა სარემონტო სამუშაო.
ამ ბოლო დროს საქართველოს ფეხბურთის ფედერაცია ხშირად ქირაობს ინფრასტრუქტურას "ზესტაფონისგან". სწორედ მის განკარგულებაშია ზესტაფონის მთავარი სპორტული არენა - დავით აბაშიძის სახელობის სტადიონი, სადაც საქართველოს ახალგაზრდული ნაკრები 28 მარტს უკრაინელ თანატოლებს უმასპინძლებს...
"ზესტაფონის" თბილისურ ბაზაზე კი თბილისში მიმდინარე 17-წლამდელთა ელიტრაუნდის სამი მონაწილე (რუსეთი, თურქეთი და ბოსნია) ვარჯიშობს. მეტიც - "ზესტაფონის" მესვეურებთან შეთანხმებით, რუსეთის გუნდმა აქ ერთკვირიანი წინასაელიტრაუნდო შეკრებაც მოაწყო. როგორც შევიტყვეთ, რუსეთის 17-წლამდელთა მწვრთნელი სერგეი მატვეევი ერთობ კმაყოფილი ყოფილა ბალახის საფარის მდგომარეობით.
ბოლოს კი შეგახსენებთ, რომ საქართველოს ეროვნული ნაკრები ყაზახეთს "დინამო არენაზე" დაუხვდება. ეს ნაკრების ახალი თავკაცის ინიციატივაა. მანამდე ეს სპარინგი "მიხეილ მესხზე" იყო დაგეგმილი.
ყოველდღიური სპორტული გაზეთი "ლელო"
ჩელებაძე, ბურდული და ჯურელი დატოვეთ!
თუ ეს ფედერაცია მოახერხებს მის დაბრუნება უფრო მეტს გააკეტებს და ლოკომოტივს კიდევ ბევრი გამოებმება