ევროპის ლიგის 9 აგვისტოს მატჩებში ქართველთა ორივე კლუბმა მიიღო მონაწილეობა და გათამაშებას ორივე გამოეთიშა.კიევის "არსენალმა" ერთი კვირის წინ შინ სლოვენიური "მურა" 3:0 გაანადგურა, მაგრამ იმის გამო, რომ მოედანზე დისკვალიფიცირებული ფეხბურთელი გაიყვანა, ტექნიკური 0:3 ჩაეთვალა.
სტუმრად "არსენალს" ურთულესი ამოცანა ჰქონდა შესასრულებელი და მიზნის მიღწევამდე მცირედი დააკლდა.
სანდრო კობახიძის გუნდმა 2:0 გაიმარჯვა, ქართველმა ნახევარმცველმა კი მატჩის მეორე წუთზე ანგარიში გახსნა. კობახიძე 81-ე წუთზე შეცვალეს, "არსენალმა" კი შეხვედრა ცხრა კაცის შემადგენლობით დაასრულა.
არნემის "ვიტესი" მახაჩყალის "ანჟის" ვერც საკუთარ მოედანზე გაუძალიანდა და კვლავ
"ანჟის" მხრიდან ორივე გოლი სამუელ ეტოომ გაიტანა. "ვიტესის" კაპიტანმა გურამ კაშიამ შეუცვლელად ითამაშა, გიორგი ჭანტურია თამაშში 73-ე წუთიდან ჩაერთო, ვაკო ყაზაიშვილი კი სათადარიგო იყო.
(იბეჭდება მცირე ცვლილებით)
ყოველდღიური სპორტული გაზეთი "ლელო"
