დანიის სუპერლიგის 21-ე ტური 4 მარტს "ესბიერგისა" და "ორჰუსის" მატჩით დასრულდა, რომელშიც მასპინძელმა "ესბიერგმა" 2:1 გაიმარჯვა. შეხვედრის 66-ე წუთზე "ორჰუსმა" ანგარიში მათე ვაწაძის გოლით გაათანაბრა, მაგრამ საყაიმო ანგარიშის შენარჩუნება ვერ შეძლო.
ვაწაძემ და მისმა თანაგუნდელმა დავით სხირტლაძემ შეუცვლელად ითამაშეს, კიდევ ერთი ორჰუსელი, დავით დევდარიანი კი ტრავმირებულია.
12-გუნდიან სუპერლიგაში "ორჰუსი" 30 ქულით მეექვსე პოზიციაზეა.
თურქეთის სუპერლიგაში შოთა არველაძის მიერ გაწვრთნილმა "ქაშიმფაშამ" "ტრაბზონსფორს" უმასპინძლა და მეტოქე 2:0 დაამარცხა.
ზედმეტია იმის შეხსენება, რომ შოთა და მისი ტყუპისცალი არჩილი გასული საუკუნის 90-იან წლებში სწორედ
"ქაშიმფაშა" 36-ე ქულით მე-6 ადგილზეა და ევროპის ლიგის საგზურის მოპოვების კარგი შანსი აქვს.
ყოველდღიური სპორტული გაზეთი "ლელო"
