შოთა გრიგალაშვილი კვიპროსის ჩემპიონატის უმაღლესი ლიგის ბინადარ "ნეა სალამისში" ითამაშებს, სადაც კიდევ ერთი ქართველი, ლაშა გვალია ისინჯებოდა. ყოფილ კლუბ "ომონიაში" შოთას სათამაშო პრაქტიკა აკლდა და გუშინ დილით სანდო წყაროსგან გავიგეთ, რომ 28 წლის ნახევარმცველი ახალ გუნდს ეძებდა. სწორედ ამ ინფორმაციის გადამოწმების პროცესში ვიყავით, როცა shootandgoal.com-ი წამოგვეშველა. მან გრიგალაშვილის ახალი კლუბის თაობაზე დაწერა.
ამ დროისთვის, ნიკოს პანაიოტუს გაწვრთნილი "ნეა სალამისი" კვიპროსის ჩემპიონატში მე-9 ადგილზეა.
ამასობაში, ნიქოზიის "ომონიას" ვებგვერდმა ოფიციალურად დაადასტურა, რომ კლუბსა და ქართველ ნახევარმცველს შორის კონტრაქტი ორმხრივი შეთანხმების საფუძველზე გაწყდა.
შეგახსენებთ, რომ "ომონიამდე" გრიგალაშვილს თბილისის "დინამოში", "ბორჯომში", "მესხეთში", "ზესტაფონში", "ალანიაში", "სკა ენერგიასა" და "ანორთოსისში" უთამაშია. ამას გარდა, მან 10 მატჩი საქართველოს ნაკრებშიც ჩაატარა.
რაც შეეხება გვალიას, კვიპროსული მედიის ცნობით, მას ახალი გუნდის ძიება მოუწევს.
ყოველდღიური სპორტული გაზეთი "ლელო"
![[წარდგენა] "გასწი, მერანო" - შეძლებენ თბილისელები უმაღლესში თავის წარმოჩენას?](/pictures/image7/824f60773d09dd2e8a3d480417d2dcd4.jpg "[წარდგენა] \"გასწი, მერანო\" - შეძლებენ თბილისელები უმაღლესში თავის წარმოჩენას?")
