საქართველოს ეროვნული ნაკრების და ლვოვის "კარპატის" ყოფილი ნახევარმცველი ბუბა დაუშვილი კარიერას ისრაელში გააგრძელებს.როგორც sport5.co.il-ი იტყობინება, ქართველმა ფეხბურთელმა კლუბ "ბნეი-საჰნინთან" 1-წლიანი კონტრაქტი გააფორმა. "ბნეი-საჰნინი" ისრაელის რანგით პირველ დივიზიონში ასპარეზობს, წინა სეზონი კი მე-5 ადგილზე დაასრულა.
შეგახსენებთ, რომ 27 წლის დაუშვილი სეზონის დასრულებისთანავე, ლვოვის "კარპატიდან" თავისუფალი აგენტის სტატუსით წამოვიდა.
