ჯანო ანანიძის მოსკოვის "სპარტაკი" გასვლაზე დაუზავდა კვიპროსულ აეკ-ს - 1:1. შეხვედრის 38-ე წუთზე საქართველოს ნაკრების ნახევარმცველმა ულამაზესი გოლი შეაგდო. მოწინააღმდეგის მთელი დაცვა გააბითურა და გადაუგდო ბურთი კვიპროსელთა მეკარეს. ჯანო "სახალხო გუნდის" დამრიგებელმა დმიტრი ალენიჩევმა 72-ე წუთზე შეცვალა. მის ნაცვლად თამაშში რუსეთის მოქალაქე გიორგი მელქაძე ჩაერთო.
აზერბაიჯანის "გაბალა" საფრანგეთში დაუზავდა ადგილობრივ "ლილს" - 1:1. "გაბალას რიგებში 90 წუთი ითამაშა და ყვითელი ბარათი მიიღო საქართველოს ნაკრების ნახევარმცველმა, ნიკა კვეკვესკირმა. სწორედ
პოლტავის "ვორსკლა" ზაგრებში ფრედ ეთამაშა ხორვატულ "ლოკომოტივს" - 0:0. ხორვატთა წინააღმდეგ უკრაინული გუნდის შემადგენლობაში 90 წუთი ითამაშა საქართველოს ნაკრების ნახევარმცველმა სანდრო კობახიძემ.
ჩეხეთში "სლავია" პორტუგალიურ "რიო ავეს" დაუზავდა - 0:0. მასპინძელთა რიგებში 81 წუთი ითამაშა საქართველოს ნაკრების კიდევ ერთმა შუახაზელმა, ლევან ყენიამ.
შოთა არველაძის გაწვრთნილმა "მაკაბიმ" გასვლაზე 3:1მოუგო რუმინულ "პანდურიის" და პრაქტიკულად გაინაღდა ევროპალიგის პლეი ოფის საგზური.
შედგა თემურ ქეცბაიას დებიუტი აეკ-ის მთავარი მწვრთნელის პოსტზე. ბერძნულმა კლუბმა გასვლაზე ფრედ, 0:0 ითამაშა საფრანგეთში, "სენტ ეტიენთან", რაც სავსებით მისაღები შედეგია.
ყოველდღიური სპორტული გაზეთი "ლელო"
გისურვებ გაიბრწყინო ამ სეზონში ისე, როგორც ამას შენგან ელიან.
ისე ვიტყვი, რომ კარგით რა, ცოტა თავშეკავებულები ვიყოთ ჩვენის და ჩემის შეფასებაში ხალხო, კარგი გოლია ნამდვილად, მაგრამ შედევრი არ არის, არ გვინდა ეს ზედმეტები საკუთარის შეფასებაში, ნუ გცივარდება სისხლი თავში ეგრევე, ცოტა თავმდაბლობაც ვისწავლოთ სპორტშიც და ყველაფერშიც... იმიტომ ვართ ეგეთ დღეში...