"თუ ამ პრობლემის მოსაგვარებლად ფინანსებია საჭირო, მზად ვარ, პირადი ფინანსები გავიღო" - რას აცხადებს მამუკა ჯუღელი?

AutoSharing Option
ფოთის "კოლხეთი 1913"-ის პრეზიდენტმა და საფეხბურთო აგენტმა მამუკა ჯუღელმა Geo Team-თან ინტერვიუში საქართველოს ჩემპიონატში არსებულ პრობლემებზე ისაუბრა.

მისი თქმით, აუცილებელია, რომ ჩემპიონატის შესახებ გულშემატკივრებმა მეტი ინფორმაცია მიიღონ და ამ კუთხით გადაცემები მომზადდეს.

"მადლობა ფეხბურთის ფედერაციას, რომ დღეს ნაკრები წარმატების გზაზეა, თუმცა, როგორც გუნდის მფლობელი, უკმაყოფილო ვარ მსაჯობით. ხალხი ვერ იღებს ინფორმაციას, როგორ ზარალდებიან კლუბები საქართველოში მსაჯების კვალიფიკაციით.

მზად ვარ, გუნდებმა დავამატოთ საწევრო და საქართველოს ჩემპიონატის შესახებ მეტი დეტალური გადაცემა ვიხილოთ, ყველა მომენტის პროფესიონალური განხილვით.
ნაკრების წარმატების შემდეგ შიდა ჩემპიონატის მიმართ
დიდი ყურადღება ჩნდება. ჩემი სურვილი იქნება, ფედერაციის მხრიდან ყურადღება მიექცეს უფრო მეტ გაშუქებას. დღეს საქართველოს ჩემპიონატი ჩაკეტილია, ხალხს არ აქვს საშუალება, თავად გამოიტანონ დასკვნა პროცესებზე. ვფიქრობ, ჩემს სიტყვებს ყველა ქართული კლუბი დაუჭერს მხარს. ეს ჩემი თხოვნაა და იმედია, მოისმენენ. არ ვფიქრობ, რთულ საკითხზე ვსაუბრობდე. გამიჭირდება ისეთი საფეხბურთო ქვეყნის დასახელება, სადაც მსგავსი გადაცემები არ არის.
თუ პრობლემა ფინანსური დაბრკოლებაა, მზად ვარ, პირადი ფინანსები გავიღო ამ ყველაფრის შესაქმნელად.

დიდი მადლობა ლევან კობიაშვილს იმ სიხარულისთვის, რაც საქართველოს მიანიჭა. მას ბავშვობიდან ვიცნობ, როგორც ფეხბურთელს და პიროვნებას. ასეთი პატიოსანი ადამიანები საქართველოში თითზე ჩამოსათვლელები არიან. იმედი მაქვს, ლევანი ამასაც გაითვალისწინებს და ყველაფერს გააკეთებს, რომ საქართველოს ჩემპიონატის გაშუქებას უფრო დიდი ყურადღება მიაქციონ." - განუცხადა ჯუღელმა Geo Team-ს.

alt"მისი ტრანსფერის საკითხზე უახლოეს დღეებში ლიგა 1-ის და სერია A-ს გამორჩეულ კლუბებს ვხვდები" - ჯუღელმა აზაროვზე ისაუბრა

მკითხველის კომენტარები / 17 /
დიდი პატივისცემა ბატონ მამუკას, ვისურვებდი ბევრი გვყავდეს ასეთი საფეხბურთო მოღვაწე ჩვენს ჩემპიოანტში! თუმცა ერთი კითხვა არ მასვენებს - დათა სიჭინავა რატო გაუშვით, კაცი გუნდის აშკარა ლიდერი იყო და ვფიქრობ დიდ ძალასთან ერთად, უსამართლოც იყო კაცმა გუნდი უმაღლესში გადმოიყვანა და ....
შოთა
19:00 23-05-2024
2
ეს, ყველაფერთან ერთად მაგარი პადხალიმიც ყოფილა. და ბიძინა არ იმსახურებს მადლობას, ჯუღელო? მთავარი დაგავიწყდა?))))
აუუ რას ეფერება და ეტენება
17:07 23-05-2024
21

ასევე დაგაინტერესებთ
სიახლეები პოპულარული