"ვიტ ჯორჯიამ" ქართული ფეხბურთის გულშემატკივრებს ერთ სეზონში ერთი სირცხვილი აკმარა - "ეროვნულ სტადიონზე" 0:6 მარცხის შემდეგ მერაბ კოჭლაშვილის გუნდმა გუშინ ჩეხურ ოსტრავაში, თქვენ წარმოიდგინეთ და, არ წააგო. "ბანიკი" და "ვიტ ჯორჯია" 0:0-ს დასჯერდნენ. არადა აშკარად საფუძვლიანი შიშები გვქონდა, რომ...
საპასუხო მატჩს დეტალურად აღარ ჩავეძიებით, ანდა რომელი ჭკუათმყოფელი განიხილავს დაპირისპირების მეორე ნახევარს სერიოზულად, როცა პირველი გუნდს (თანაც შინ) 0:6 აქვს წაგებული. მოკლედ, შევთანხმდეთ, რომ ამ ეტაპზე ისიც კარგია, რომ "ვიტ ჯორჯიამ" კიდევ არ გაგვხადა მთელი ევროპისთვის თითით საჩვენებელი მაგალითი და ქართული
ჩეხთა მწვრთნელმა ექსპერიმენტებს მიმართა და არც გაემტყუვნება. მაგალითად, არ უთამაშია მათ კაპიტან ტომაშ მარეკს, კარს იცავდა მესამე გოლკიპერი ვიტ ბარანეკი, ხოლო თინეიჯერ ტომაშ ვრტოს სულაც დებიუტი ჰქონდა "ბანიკის" შემადგენლობაში. სამაგიეროდ, მოედანზე იყო თბილისში "ვიტის" ამაოხრებელი ფერნანდო ნევესი, მაგრამ მცველმა ჰეთ თრიკი ვეღარ გაიმეორა და ალბათ 32 წლის ბრაზილიელი კარიერას ისე დაასრულებს, მეტჯერ სამ გოლს ერთ თამაშში ვეღარც გაიტანს. სხვათა შორის, ჩეხები აღიარებენ, რომ მეორე ტაიმში კლიმიაშვილმა ბევრი თავსატეხიც გაუჩინათ, თუმცა მათ მაინც მშვიდად მიიყვანეს თამაში ბოლომდე და კლუბის თანამედროვე ისტორიაში (რაც ჩეხეთსლოვაკეთი დაიშალა) პირველად გადალახეს ევროპული ტურნირის ეტაპი.
მიროსლავ კოუბეკი: "ქართველებმა დღეს დაამტკიცეს, რომ ფეხბურთელები არიან. ჩვენ კი ბევრი ცვლილება განვახორციელეთ და ევროთასებზე თამაშის გამოცდილება ახალგაზრდებსაც შევძინეთ. ასეთი მატჩები ხომ მათ უფრო მეტს შეძენენ, ვიდრე ჩემპიონატის 10 შეხვედრა ერთად".
მერაბ კოჭლაშვილი: "საერთო ჯამში, თამაშით და შედეგითაც კმაყოფილი ვარ. სამწუხაროდ, ბოლო სეზონის შემდეგ გუნდიდან შვიდი მოწინავე ფეხბურთელი წავიდა, ახლა ამას მწვრთნელის ცვლილებაც დაემატა. საპასუხო მატჩში წაგება არ გვინდოდა და არც წავაგეთ".
უეფას ევროპის ლიგის II საკვალიფიკაციო ეტაპი. საპასუხო მატჩი
22 ივლისი. ოსტრავა (ჩეხეთი). "ბაზალი". 3 405 მაყურებელი
ბანიკი-ვიტ ჯორჯია 0:0 (6:0)
ბანიკი: ბარანეკი - ფრიდრიხი, ნევესი, რეზნიკი, კოუკალი - ლუკეში, გრეგუში, ვრტო, ვოინარი (72. ჰუშბაუერი) - ფანტიში (46. ზეჰერი), შენკერიკი (58. პილიკი).
სათადარიგოები: დანეკი, მარეკი, შმეიკალი, ნოივირტი.
ვიტ ჯორჯია: მიქაბერიძე - ბეჭვაია, ადამაძე, ლომაია, ჭანკვეტაძე - ვასაძე, მაისაშვილი (80. გურეშიძე) - კლიმიაშვილი, ლიპარტია, ჯანელიძე (64. ზაქრაძე) - კვარაცხელია (75. ჩიმაკაძე).
სათადარიგოები: ძაძამია, კასრაძე, კორიფაძე, განიაშვილი.
გაფრთხილება: კოუკალი (33), ჭანკვეტაძე (43), ფრიდრიხი (87), ლუკეში (88), მიქაბერიძე (90).
არბიტრი: იოვანეტიჩი (სერბეთი)
