"მომხდარით გაოგნებული და გულნატკენი ვარ. ონიანისა და ვართაგავასთვის მხოლოდ მწვრთნელი კი არა, უფროსი მეგობარი ვიყავი და მეგონა, "ბაიას" წარმატებებისთვის ერთად ვიბრძოდით, მათ კი მეც მიღალატეს და გუნდის გულშემატკივრებსაც. რა კომენტარი უნდა გავაკეთო? ვიტყვი მხოლოდ იმას, რომ ისინი ძალიან პატარა ჭკუის პატრონები ყოფილან. ასეთ საქციელს არაფერი ამართლებს, უსახსრობის გამო ნამუსზე ხელი არ უნდა აიღო", - გვითხრა "ბაიას" მთავარმა მწვრთნელმა ელგუჯა ქომეთიანმა.
მან არც ის გამორიცხა, რომ გუნდის მთავარი მწვრთნელის თანამდებობა დატოვოს:
"ბუნებრივია, ამ ამბავმა ჩემს რეპუტაციასაც მოსცხო ჩირქი. როცა შენი ფეხბურთელი
რაც შეეხება ონიანისა და ვართაგავას მომავალს "ბაიაში", ქომეთიანი ამაზე ასეთ კომენტარს აკეთებს: "უპირველეს ყოვლისა, გადაწყვეტილება სამართალდამცავმა ორგანოებმა უნდა მიიღონ, შემდეგ კი - კლუბის ხელმძღვანელობამ. პირადად მე ამ ფეხბურთელებთან მუშაობა შეუძლებლად და გამორიცხულად მიმაჩნია."
