"ლელო" უკვე წერდა, რომ ყარაღანდის "შახტიორთან" შეხვედრის 74-ე წუთზე "გაგრასა" და საქართველოს ახალგაზრდული ნაკრების ცენტრალური მცველი ლაშა კალანდაძე დაშავდა. 20 წლის ფეხბურთელმა ტრავმა მეკარესთან შეჯახების შემდეგ მიიღო.მას კოჭი აქვს გასიებული და გუნდის ექიმმა შეკრების ბოლომდე ვარჯიში აუკრძალა. თუმცა, "გაგრას" პრესატაშე მიხეილ აფხაზავას თქმით, სერიოზული არაფერი სჭირს და მალე კვლავ საერთო ჯგუფში ივარჯიშებს.
იგივე შეიძლება ითქვას გიორგი ერისთავზეც, რომელიც პირველ შეხვედრაში დაშავდა და ამის გამო შეცვალეს. ეს უკანასკნელიც ჯერჯერობით ვერ ივარჯიშებს.
ყოველდღიური სპორტული გაზეთი "ლელო"
