საფეხბურთო კლუბი "ზესტაფონი" განაგრძობს უეფას ჩემპიონთა ლიგაში ასპარეზობისათვის მზადებას. 5 ივლისს, დილის ვარჯიშის შემდეგ, ზემოიმერლები ზალცბურგს გაემგზავრნენ და ვოლფგანგ ამადეუს მოცარტის მშობლიური ქალაქის ღირსშესანიშნავი ადგილები დაათვალიერეს.
6 ივლისს კი გუნდმა ორჯერ ივარჯიშა. აღსანიშნავია ის, რომ გუნდთან ერთად იმყოფება და ვარჯიშობს 21 წლის მცველი გიორგი კაჭკაჭიშვილი, რომელსაც ზესტაფონელთა რიგებში 2008-2010 წლებში უასპარეზია.
7 ივლისს მარგველები ალპური შეკრების მორიგ სპარინგ-მატჩს გამართავენ - საქართველოს ჩემპიონი რუმინული ფეხბურთის უტიტულოვანეს გუნდს, ბუქარესტის "სტიაუას" დაბა უტენდორფში დაუპირისპირდება.
მატჩი ადგილობრივი დროით 18:00 საათზე (თბილისის დროით 20:00 საათზე)
fczestafoni.ge
