ყაზახეთის "აქტობესთან" გასამართ უეფას ევროპის ლიგის პირველი საკვალიფიკაციო ეტაპის საპასუხო მატჩამდე, ქუთაისის "ტორპედოს" მთავარ მწვრთნელ გია გეგუჩაძეს ყაზახ და ქართველ ჟურნალისტებთან საკმაოდ საინტერესო პრესკონფერენცია ჰქონდა. ეს ყველაფერი ტრადიციული მატჩისწინა ვარჯიშის დაწყებამდე შედგა.
- ხომ არაა რაიმე ზეწოლა კლუბის მესვეურების მხრიდან - ისინი თქვენგან რაიმე ისეთი მიზნების შესრულებას ხომ არ ითხოვენ, რასაც თქვენი გუნდი ვერ შეასრულებს?
- ალბათ, იცით, რომ ჩვენი გუნდი 7-წლიანი პაუზის შემდეგ მონაწილეობს ევროტურნირზე. ამდენად, სურვილი გვაქვს, რაც შეიძლება მეტი გამოცდილება მიიღონ ფეხბურთელებმა. ამიტომ აუცილებლად შევეცდებით, შემდეგ ეტაპზე
- შესწავლილი სტატისტიკიდან ჩანს, რომ "ტორპედო" შინ გაცილებით უკეთ ასპარეზობს, ვიდრე სტუმრად...
- ყველანაირად შევეცდებით, ეს სტატისტიკა ახლა გამოვასწოროთ.
- რის დაპირისპირებას აპირებთ მეტოქისთვის მაშინ, როცა ან მოგება გესაჭიროებათ, ან შედეგიანი ფრე?
- აქედანვე ვიტყვით, თუ ფრეზე ვიფიქრებთ, წარმატებაზე ფიქრიც ზედმეტია. ყველაფერი უნდა გავაკეთოთ, რათა მეტოქეს საკუთარ მოედანზე თამაშის ფაქტორი საერთოდ გავუქროთ.
- თუ არის "აქტობეში" ისეთი ფეხბურთელი, ვის საკუთარ გუნდში ხილვასაც ისურვებდით?
- ცოტა უხერხული კითხვაა. თქვენ ბევრი ისეთი ფეხბურთელი გყავთ, ვისაც ძალიან ვაფასებთ, მაგრამ ვფიქრობ, ისინი, ვინც ჩვენთან თამაშობენ, მათ დიდად არაფრით ჩამოუვარდებიან.
- "ტორპედოსთვის" სასიკეთოდ იმოქმედებს თუ არა ის შემჭიდროებული განრიგი, რომელიც "აქტობეს" ქვეყნის ჩემპიონატში აქვს?
- დამიჯერეთ, ვოცნებობ, რომ სწორედ ისეთი გრაფიკი გვქონდეს, როგორც "აქტობეს" გააჩნია ქვეყნის ჩემპიონატში. რაღაც ვერ ვატყობ, რომ თქვენი გუნდისთვის ზედიზედ გამართულ მატჩებს რაიმე სახის პრობლემები შეექმნას.
- ბოლოს და ბოლოს, შეგიძლიათ გვითხრათ, რომ "ტორპედოს" ბიუჯეტი ღიაა? და საერთოდ, რამდენს შეადგენს იგი?
- შემიძლია გითხრათ, რომ ბიუჯეტი ყველასათვის ღიაა. გინდათ წაიღოთ?..
www.fctorpedo.ge
ასევე იხილეთ:
აქტობე VS ტორპედო (პირველი მატჩი 1:1) - ყაზახების იმედი და ისტორია
ქუთაისის "ტორპედო" "აქტობესთან" საპასუხო მატჩისთვის მონდომებით ემზადება
ქუთაისის "ტორპედოსთან" ფრემ "აქტობე" ხასიათზე მოიყვანა
ყაზახები გადიდგულდნენ - ქუთაისში ფრეს არ ველოდითო
ტორპედო-აქტობე 1:1 - ფრე ყაზახების სასარგებლოდ [VIDEO]
