30 სექტემბერს გამართული "დილა"-"მარიტიმუს" შორის ევროპალიგის პლეი ოფის საპასუხო მატჩის შემდეგ გუნდების მწვრთნელებმა ჟურნალისტთა კითხვებს უპასუხეს.გორის "დილა" მიხეილ მესხის სახელობის სტადიონზე პორტუგალიურ გუნდთან 0:2 დამარცხდა და ევროპალიგას დაემშვიდობა.
* * *
პედრუ მარტინში ("მარიტიმუს" მთავარი მწვრთნელი):
"ძალიან კარგი თამაში იყო. "დილა" კარგია გუნდია, გამოცდილი მოთამაშეები ჰყავს. ამის მიუხედავად, შეხვედრა ჩვენთვის სასურველად მიმდინარეობდა მანამ, სანამ კაცს გაგვიგდებდნენ.
მერე მასპინძლებმა მთელი ძალებით შემოგვიტიეს.
მაინც უნდა აღვნიშნო, რომ ორივე ტაიმის ბოლოს ჩვენ უკეთ გამოვიყურებოდით და მიმაჩნია, რომ ევროპის ლიგის ჯგუფურ ეტაპზე დამსახურებულად
* * *
თემურ შალამბერიძე ("დილას" მთავარი მწვრთნელი):
- 3-4 თვის გუნდით ჯგუფურ ეტაპამდე გაღწევა ძალიან ძნელია. ასეც ვიცოდი, მაგრამ ვცდილობდი, ბიჭები დამერწმუნებინა, მათი კლასის იმედი მქონდა...
მატჩის შემდეგ მათ მადლობა გადავუხადე, რადგან მიმაჩნია, რომ ჩვენთვის პლეი ოფში გასვლაც წინგადადგმული ნაბიჯია.
- ყველა ელოდა, რომ სწრაფი გოლის გატანას შეეცდებოდით, მაგრამ გუნდმა ინიციატივა არ აიღო.
- ერთი ბურთი რომ გაგვეშვა, კატასტროფა იქნებოდა. წინ კი მთელი 90 წუთი იყო და არ გვსურდა, მეტისმეტად გაგვერისკა.
სამწუხაროდ, ვერაფერი მოვახერხეთ და ვინ იცის, ასეთი შანსი ქართულ კლუბს კიდევ როდის ექნება...
- ახლა გუნდს წამყვანი ფეხბურთელები დატოვებენ?
- ჯერ ყველა რჩება.
- ვაწაძე და გრიგალაშვილიც?
- დიახ, ისინი ჯერ ჩვენთან რჩებიან.
- ვინმეს დამატებას ხომ არ აპირებთ?
- დამატებას მხოლოდ ჯგუფურ ეტაპზე გასვლის შემთხვევაში ვაპირებდით.
- ეს წაგება ეროვნულ ჩემპიონატში გუნდის გამოსვლაზე ხომ არ იმოქმედებს?
- რა თქმა უნდა, იმოქმედებს. დღეს შედეგზე ტრავმირებულთა სიმრავლემაც იმოქმედა და გადაბმულად თამაშებმაც. ასე მგონია, ქართული გუნდი პლეი ოფში რომ ხვდება, გარკვეული შეღავათი უნდა გაუწიო.
- შეღავათი ფედერაციას უნდა გაეწია?
ზურაბ კარტოზია, "დილას" პრეს-ატაშე:
- ვისაც შეეძლო, იმას ვგულისხმობთ. მატჩის გადადებაზე ყველა მეტოქე კი დაგვთანხმდა...
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
დილა-მარიტიმუ 0:2 - საშუალო ევროდონემდეც ძალიან შორია
