ორიოდე დღის წინ ბოლნისში საქართველოს ფეხბურთის ფედერაციის სპეციალური კომისია იმყოფებოდა, რომელმაც ადგილობრივი სტადიონის მოედნის საფარი შეამოწმა და დაასკვნა, რომ გაზონი დღესდღეობით უმაღლესი ლიგის მოთხოვნებს ვერ პასუხობს. 8 დეკემბერს ადგილობრივი "სიონი" თბილისის "დინამოს" მასპინძლობს, მაგრამ უმაღლესი ლიგის ლიდერის საკუთარ ქალაქში მიღებას ვერ შეძლებს.
სფფ-ის საშეჯიბრო კომიტეტმა კლუბებთან შეთანხმებით გადაწყვიტა, რომ მატჩი შაბათს რუსთავში გაიმართება და 14 საათზე დაიწყება.
ყოველდღიური სპორტული გაზეთი "ლელო"
