როგორც ჩანს, 18 აგვისტოს, თბილისის "დინამო" ევროპალიგის პლეი ოფის პირველ მატჩს "დინამო არენაზე" ბერძნული პაოკ-ის წინააღმდეგ ნომინალური ფორვარდის გარეშე ჩაატარებს.მოგეხსენებათ, "დინამო" რამდენიმე დღის წინ ორმა თავდამსხმელმა დატოვა - ჯერ ვენის "რაპიდში" გიორგი ქვილითაია წავიდა, შემდეგ კი ორმხრივი შეთანხმების საფუძველზე კონტრაქტი ნიკოლოზ გელაშვილთან გაწყდა.
როგორც შევიტყვეთ, კლუბის ხელმძღვანელობა უახლოეს დღეებში ფორვარდით გაძლიერებას არ გეგმავს, გუნდის მესამე ფორვარდი ლადო დვალიშვილი კი ტრავმირებულია და პირველ მატჩს გამოტოვებს.
იურაი იარაბეკის გუნდში რჩება მხოლოდ ერთი ნომინალური თავდამსხმელი - 18 წლის ბექა მიქელთაძე, რომელსაც საეჭვოა,
დვალიშვილის გარდა, ტრავმების გამო პირველ შეხვედრას სტეფან ველევი და მატია შპიჩიჩიც გამოტოვებენ.
ევროპალიგის პლეი ოფის პირველი მატჩი "დინამო არენაზე" 18 აგვისტოს, 20:00 საათზე დაიწყება. მატჩზე დასასწრები ბილეთების ფასი 5 და 10 ლარს შეადგენს.
![ეროვნული ლიგა. IX ტური. "გაგრა" - "დინამო" (თბ) [LIVE]](/pictures/image7/59c49b76a32c416bb8a913c48214c59e.png "ეროვნული ლიგა. IX ტური. \"გაგრა\" - \"დინამო\" (თბ) [LIVE]")
