ესპანეთი. ლა ლიგა. "რეალი" თითქმის ჩემპიონია [VIDEO]

წუხელ ვიგოში მადრიდის "რეალმა" 4:1 გაანადგურა "სელტა" და ლა ლიგაში ბოლო ტურის წინ პირველ ადგილზე გადაინაცვლა.

ახლა "სამეფო კლუბს" ტიტულს მხოლოდ ერთი რამ ჩამოაშორებს სანუკვარ ტიტულს, თუ თავად წააგებს ბოლო ტურში და "ბარსელონა" იმარჯვებს, სხვა შემთხვევაში ზინედინ ზიდანის გუნდი ჩემპიონია. "რეალი" ბოლო ტურში "მალაგას" ესტუმრება.

მადრიდელები კრიშტიანო რონალდომ ორივე ტაიმის დასაწყისში თითო გოლით 2:0 დააწინაურა, შემდეგ კი მსაჯმა აურია, როცა იაგო ასპასი სიმულაციისთვის გააძევა. 10-კაციანმა "სელტამ" გაიბრძოლა, მაგრამ თავს ზემოთ ძალა არ იყო.

"რეალმა" გოლების სერია 63 მატჩამდე გააგრძელა...

სელტა-რეალი 1:4
გოლები: 0:1 რონალდო (10), 0:2 რონალდო (48), 1:2 გუიდეტი (69), 1:3 ბენზემა (70), 1:4 კროოსი (88)
სელტა (4-2-3-1): სერხიო ალვარესი - მალიო, რონკალია, კაბრალი, ხონი - ვასი, პაბლო ერნანდესი - ასპასი, ხოსაბედი (72. მარსელო დიასი), სისტო (80. შეიხი) - გუიდეტი (86. ბოვიუ)
რეალი (4-3-1-2): კეილორ ნავასი - დანილო, ვარანი, სერხიო რამოსი, მარსელო - კროოსი, კაზემირო (71. კოვაჩიჩი), მოდრიჩი - ისკო (84. ლუკას ვასკესი) - ბენზემა, რონალდო (84. ასენსიო)
გაძევება: ასპასი (62)
მაყურებელი: 22 838

ბომბარდირები: 35 - ლიონელ მესი (ბარსელონა); 28 - ლუის სუარესი (ბარსელონა); 24 - კრიშტიანო რონალდო (რეალი); 18 - იაგო ასპასი (სელტა).

ყოველდღიური სპორტული გაზეთი "ლელო"