"სამეფო კლუბში" გადასვლიდან ზუსტად ერთი წლის შემდეგ ფრანგი ფორვარდი ქარიმ ბენზემა მიიჩნევს, რომ ბოლომდე გაუშინაურდა გარემოს და ახალი საფეხბურთო წელი "მისი სეზონი" იქნება "რეალში". ბენზემამ კლუბის ოფიციალურ საიტს ინტერვიუ ლოს ანჯელესში მისცა, სადაც "ლოს ბლანკოსი" ახალი სეზონისთვის ემზადება.
- რას უნდა ველოდოთ თქვენგან ახალ სეზონში?
- უკვე ერთი წელიწადია "რეალში" ვთამაშობ, ესპანურიც უკეთ ვიცი, ასე რომ, თავს კლუბში ბოლომდე გაშინაურებულად ვთვლი. ვფიქრობ, ახალ სეზონში ჩემი დრო მოვა...
- რას ჰპირდებით "რეალის" გულშემატკივრებს?
- გოლებს. ვიმედოვნებ, რომ "რეალის" მაისურით ამ სეზონში ძალიან ბევრ
- გუნდი წლეულს რა მიზანს ისახავს?
- ჩვენ გვყავს ახალი მწვრთნელი, რომელიც ძალზე მოწადინებულია და ბოლომდე ახალი პროექტის განხორციელაბაში ჩართულია, რაც ძალიან დაგვეხმარება. ჩვენი მიზანია ისაა, რაც "რეალს" ეკადრება, მოგება ყველა ტიტულის, სადაც მონაწილეობას ვიღებთ.
- რა შთაბეჭდილება შეგექმნათ ჟოზე მოურინიოზე?
- მოურინიო უბრალოდ დიდი მწვრთნელია. ის ძალიან ძლიერია და ფეხბურთელთა დიდი მეოხია, მისი სიტყვები თვითრწმენას გვმატებენ. ის ნამდვილი გამარჯვებულია და ჩვენგანაც მხოლოდ საუკეთესოს ითხოვს.
- რა მოგთხოვათ მოურინიომ?
- მან მითხრა ძალზე მარტივად - ვითამაშო ის ფეხბურთი, რაც შემიძლია და გავიტანო, რაც შეიძლება მეტი გოლი. ზუსტად ასე ვაპირებ მოქცევას. თითოეულ ჩვენგანში დარწმუნებულია, რაც ფრთებს გვასხამს ახალი სეზონის წინ.
- "რეალში" ახალწვეულებიც არიან, რას იტყვით მათზე?
- დიდებული ფეხბურთელები არიან და უთუოდ გააძლიერებენ მადრიდს. მთავარია, ისინი გუნდთან კარგად შეთამაშდნენ.
- წინასასეზონო შეკრება როგორ მიმდინარეობს?
- ყველაფერი კარგადაა. აქ თავს ძალზე მშვიდად ვგრძნობთ. მოკლედ, ყველაფერს გავაკეთებთ, რომ ბევრი ტიტული მოვიგოთ. ყველანი მოწადინებულნი ვართ და ეს ვარჯიშებზეც კი იგრძნობა.
- რას ეტყვის ქარიმ ბენზემა მადრიდისტებს?
- ჰქონდეთ ჩვენი იმედი, ისევე როგორც ყოველთვის. მე მათ ბენზემას საუკეთესო ვარიანტს ვპირდები, ისეთს, როგორიც აქამდე ჯერ არ უნახავთ.
ლელო
