კატალონიის "ბარსელონას" არგენტინელმა ფეხბურთელმა, ლიონელ მესიმ აღნიშნა, რომ მისმა გუნდმა მადრიდში აუცილებლად კარგ შედეგს უნდა მიაღწიოს.თავდამსხმელის თქმით, "რეალთან" მატჩი ესპანეთის ჩემპიონატში კატალონიელების მომავალს შეცვლის.
"ძალიან მნიშვნელოვანია კარგ შედეგს მივაღწიოთ. ეს დაგვეხმარება სეზონში სხვა შეხვედრებზე კონცენტრირება გავაკეთოთ.
ვიცით, რა შეგვიძლია და რამდენად შორს წავალთ. დიახ, წინ ბევრი რთული მატჩი გველოდება. დიდი ხნის განმავლობაში საუკეთესო ფორმის შენარჩუნება იოლი საქმე არაა.
არ გვაინტერესებს, რას ლაპარაკობს ხალხი. მშვიდად ვართ და "რეალთან" შეხვედრისთვის ვემზადებით", - თქვა მესიმ.
მომზადებულია Sky Sports-ის მიხედვით
