ბრაზილიის ნაკრების ყოფილმა ფეხბურთელმა, ზიკომ "ბარსელონას" მისამართით საქებარი სიტყვები არ დაიშურა.ზიკომ გარკვეული პარალელები გაავლო და აღნიშნა, რომ წარმატებული თამაშის მიზეზი მხოლოდ ფეხბურთელების ნიჭი არ არის.
"იმისთვის, რათა სანახაობრივი ფეხბურთი ითამაშო, საკმარისი არ არის არტისტი იყო. აუცილებელია ბევრი ოფლი ღვარო, მოედანზე მთლიანად დაიხარჯო და გუნდური სული წარმოაჩინო.
ვინც "ბარსელონას" თამაშებს უყურებს, იცის, რომ კატალონიელები უკვე რამდენიმე წელია საქმეს სწორედ ამგვარად ეკიდებიან.
დღევანდელი "ბარსა" შეიძლება ბრაზილიის 1970 და 1982 წლის ნაკრებებს შევადაროთ", - განაცხადა სახელგანთქმულმა ბრაზილიელმა.
