მადრიდის "რეალის" თავდამსხმელმა ქარიმ ბენზემამ, რომელმაც ესპანეთის თასის 1/8-ფინალურ მატჩში (3:2) "მალაგას" მესამე გოლი გაუტანა, აღნიშნა, რომ გუნდმა ამ დაპირისპირებაში თავისი მებრძოლი სული კიდევ ერთხელ გამოავლინა. შეგახსენებთ, რომ ჟოზე მოურინიოს შეგირდებმა პირველი ტაიმი 0:2 დათმეს.
"შეხვედრის პირველი ნახევარი განსაკუთრებით რთული გამოდგა, თუმცა საბედნიეროდ შევძელით მატჩის ბედის ჩვენთვის სასარგებლოდ შემოტრიალება.
ამ თამაშმა აჩვენა, რომ "რეალი" მებრძოლი სულის მქონე გუნდია. ჩვენ არ დავეცით და ბოლომდე ვიბრძოლეთ", - განაცხადა ბენზემამ კლუბის ოფიციალურ საიტთან ინტერვიუში.
