"რეალის" თავდამსხმელი ქარიმ ბენზემა, რომელმაც ესპანეთის ჩემპიონატის მე-18 ტურში "გრანადასთან" დუბლი გაიფორმა, "სამეფო კლუბის" ისტორიაში შევიდა.მადრიდელთა ოფიციალური ვებ-გვერდის ინფორმაციით, 24 წლის ფორვარდი "რეალის" ისტორიაში ყველაზე შედეგიანი ფრანგი ფეხბურთელია.
ბენზემამ ესპანური გუნდის მაისურით ყველა ტურნირში 51 გოლი გაიტანა. ამ მაჩვენებლით მან ზინედინ ზიდანსაც კი გადაუსწრო, რომლის ანგარიშზე 49 გოლია.
შეგახსენებთ, რომ ქარიმ ბენზემა "რეალში" 2009 წელს "ლიონიდან" გადავიდა.
მომზადებულია realmadrid.com-ის მიხედვით
