მსოფლიო ფეხბურთის ერთერთმა ლეგენდარულმა ფიგურამ და ინგლისის ნაკრების ყოფილმა ნახევარმცველმა ბობი ჩარლტონმა მადრიდის "რეალსა" და "ბარსელონაზე" ისაუბრა.ჩარლტონის თქმით, კატალონიელების თამაში გაცილებით შთამბეჭდავია.
"მოურინიო დაუჯერებლად წარმატებული იყო, ფულისა და თავისი ენის გამოყენება იცოდა. მიუხედავად იმისა, რომ მისი გუნდი ლა ლიგაში ლიდერობს, მისი პირველობა შთამბეჭდავი არ არის.
ყველამ იცის, რომ იმისთვის, რათა მსოფლიოს საუკეთესო გუნდის სტატუსი მოიპოვო, "ბარსელონა" უნდა დაამარცხო.
როდესაც "ბარსაზეა" საუბარი, უნიკალურ გუნდზე ვლაპარაკობთ. ეს უნიკალურობა მისი ნახევარმცველების და თავდამსხმელების თამაშზეა დამყარებული", - განაცხადა ჩარლტონმა.
