"ბარსელონას" ნახევარმცველი ჩავი ერნანდესი ქვეყნის თასის ფინალში გასვლით ძალიან კმაყოფილია."კოპა დელ რეის" ნახევარფინალის საპასუხო მატჩში პეპ გარდიოლას შეგირდებმა "ვალენსია" 2:0 დაამარცხეს.
"ძალიან კმაყოფილები ვართ, ფინალში გასვლა იოლი არ ყოფილა. მეტოქეს ორივე შეხვედრაში ვჯობდით.
ჩემთვის ეს ნახევარფინალი ეროვნული პირველობისთვის გარდამტეხი ნიშნულია. არავითარ შემთხვევაში არ მივიჩნევთ, რომ მადრიდის "რეალთან" ჩემპიონობისთვის ბრძოლა დავთმეთ", - განაცხადა ჩავიმ.
