"ბარსელონას" ნახევარმცველმა სესკ ფაბრეგასმა "ვალენსიასთან" ესპანეთის თასის საპასუხო ნახევარფინალური მატჩის შემდეგ აღნიშნა, რომ ფინალისკენ მიმავალი გზა საკმაოდ რთული იყო."ღამურების" კარში გატანილი ორი უპასუხო გოლიდან ერთი საკუთარ ანგარიშზე ფაბრეგასმა მიითვალა.
"ფინალისკენ გზა საკმაოდ რთული იყო. ეს პირველი ფინალია, რომელშიც მიმდინარე წელს მონაწილეობა შეგვიძლია, რაც ძალიან გვახარებს. ვეცდებით ფინალში ღირსეულად ვითამაშოთ, მიუხედავად იმისა, რომელ სტადიონზე გაიმართება შეხვედრა.
ვფიქრობ, ბილბაოს "ატლეტიკთან" მატჩი ძალიან სანახაობრივი იქნება, რადგან ამ გუნდის შემადგენლობაში ძალიან ძლიერი ფეხბურთელები თამაშობენ", - განაცხადა ფაბრეგასმა.
