23 თებერვალს კატალონიურ მედიას "ბარსელონას" ნახევარმცველი ანდრეს ინიესტა წარუდგა. ბუნებრივია, საუბარი ძირითადად "ბარსას" საჩემპიონო შანსებზე იყო. "რეალთან" 10-ქულიან ჩამორჩენაზე: "რეალს" მნიშვნელოვანი უპირატესობა აქვს მოპოვებული, მაგრამ ჩვენ მხოლოდ სამ-სამი ქულით წინსვლაზე ვფიქრობთ. ამ შემთხვევაში უფრო შეიძლება გაჩნდეს შანსი. თანაც, ლიგაზე და თასის ფინალშიც წაგვადგება ასეთი დამოკიდებულება".
"ატლეტიკოსთან მოახლოებულ მატჩზე: "ყოველი თამაში რთულია, მაგრამ ეს განსაკუთრებული იქნება. ჯერ ერთი, სტუმრად ვთამაშობთ, მერე - მეტოქე ვინმე სხვა კი არა, "ატლეტიკოა".
"ვალენსიასთან" მატჩის შემდგომ განწყობაზე: "დიდებული თამაში იყო, ახლა სტუმრადაც ამ განწყობით გავალთ მოედანზე".
ყოველდღიური სპორტული გაზეთი "ლელო"
