"ვალენსიას" მთავარმა მწვრთნელმა უნაი ემერიმ ჰოლანდიურ პსვ-თან ევროპის ლიგის პირველი მერვედფინალური მატჩი შეაფასა. "ღამურებმა" 4:2 გამარჯვება მოახერხეს.
"ჩვენს თამაშში ბევრი დადებითი იყო, თუმცა უარყოფითმა ასპექტებმა საკმაო ზიანი მოგვაყენა. არასტაბილურად ვთამაშობდით, რის შედეგადაც საკუთარ კარში ორი გოლი მივიღეთ.
4:0-ზე ანგარიში რომ შეგვენარჩუნებინა, ეს ბრწყინვალე შედეგი იქნებოდა. 4:2 კი უბრალოდ კარგი შედეგია.
ორი შეცდომა დავუშვით, რაც ჩვენი მოთამაშეების ზედმეტი თავდაჯერებულობის ბრალია", - განაცხადა ემერიმ.
